Sure Zina Hara Kuretapo Yourodi

0
12

Rundu

Mukurona sure za Divundu ana turapo makona-kono asi yilye gagava nombudi dopo sure zendi kuhame widi, womatarase mohostera zina. Mugavi mbudi katente asi mukurona sure Ben Mukenda mokuninka asi atare omu nava gusapo udigu wowidi age kuna kupapara hena asi yilye ana gava nombudi dangesi kosayitunga.

Momandaha, muuyungilipo uministeli werongo, ko mberewa zonene ko Venduka Toivo T. Mvula katente asi age ana kwama sihorokwa sangesi. Age kavamutanterere asi kwato matarase gazumbana posure zina, nye ogu kageve mbudi ozo kuna kutanta asi eyi kuna kuyifungilira tupu ndi kuna kupopera varugani vapo.

Awo kavatente asi matarase kagazumbanene, morwa mbudi ozo kava zigwene komukurona rugani moHostera. Awo yiyo vana hafa asi ngano kapi kavaropotere sihorokwa esi matarase aga ngano kapi vana gagwana.
Ano ko DVD, kapi zazumbana yimo ana kutanta Mvula, kuna kumoneka asi sihorokwa esi kapi sina yuka. Ano mutanti kuna parapo asi DVD kwa zumbanene mazuva gatatu. Awo kavahundilire uministeli utume vantu vakalitarereko vene. Muwidi ogu kwamutjilisire asi nsene kapi ana kureta DVD tazaruke, masiku googo tavamumono tareta DVD ozo. Ano kowidi wonondja hawe oyo simpe kapi vana divako yuma ntudi ogu ana yigava agave umbangi wokuzulilira. Ano mukurona sure kapi kahere kukumbururako ko N$20-00 edi vafuta vana sure asi vature ekuma kosure nazinye. Nokutanta asi kwato eyi nina divako morwa elikwamo olyo kapisi nyame nalitulisapo. Varongwa vafuta yimaliwa yina siki ko N$10 000-00 nye kwato eyi yatompokapo nodopi edi va randa kuna kara tupu 60 vaya tura posure ezi.

LEAVE A REPLY

Please enter your comment!
Please enter your name here