Mukurukadi Gwa Presidente Kapi Ana Kuyizuvhira Mbili Eruganeso Yikorwesa Mepuko

0
14

MoVenduka-Eninkiliromo vakadi novanona yina vhuka mo Namibia, eyi kayininkisire mugolikadi gwa Presidente ahundire momunene vatulisipo noveta mosirongo vatere asi ngapi navakadurapo veta ezi.

Udano naunye ou au horoka mo Namibia, kuuretesapo marovhu ndi asi vantu kutameka kumwa marovhu nounona-nona. Age yiyo kahundilire asi veta vaziturepo omu navasilika yikorwesa. Yitundwa mo yovaporosi kuna kulikida asi nayinye eyi 10 000 kwahoroka nokuzonagura marutu. Vagara ava vahamenamo kwasika ko 6 000. Ano edipago nomauta yihorokwa kwakere 329 eyi 248 vagara vayizona. Mugolikadi gwa Presidente ogu kauuyungire posigongi esi vana kutumbura asi Friendly Haven Shelter for Abuse of Women and Children, kageve ruguwo rwendi omu vakadi novanona vana kumona runyando. Vanona vamwe kuna kumona vakurona vawo omu vana kuparuka nokulihepeka, nye yiyo vatambura asi yimo ava paruka. Age kahundilire asi vantu vetu vavaronge omu navaparuka. Eninkiliremo vakadi kapisi udona welike nye kuna kutengwida ekuliko konyima. Vakadi novaona kuna kuvasiga ponze ano mokuvapa uturo naso sirugana simwe. Age kahundilire asi vakadi novanona vavapopere. Muntu ana ntumpuka moudigu kapisi aka paruke ngwendi mutjwayuki.

Epongo eli kava litulisirepo vali yo ngeko omu navapopera ava vana kunyanda. Ava kava kerepo kava kere vakarelipo ministeli zo Gender Equality and Child Welfare, Ministeli zo Health, vaporosi wositata, UN natani Peace Centre navamwe ngoso.

LEAVE A REPLY

Please enter your comment!
Please enter your name here