Mbunga Politika Zompe Tazitumbwidire Egawo Maholi

0
14

Opuwo

Mbunga mpangeli novantu vazo moOpuwo kavadene ezuva 19 April , egwaneso nomvhura 48 dombunga ezi zareta emanguruko. Masere govantu kavalyeterere vaze komberewa zomukunda mepitisiro lyomuwapayiki gombunga ezi momukunda gwina, kamarada Uahenga Herunga. Ogu kauuyingisire mbunga zina ka kere Rex Sheehama mukurona godoropa gwanare ano ngesi muwapayiki goSWAPO mo Opuwo, katanterere vantu mousupi esanseko lyaSWAPO. Age katente asi mbunga zaSWAPO kwazitulilirepo zi gwanekedese va Namibia yipo varwanese vanyengi.

Eraka eli vahere kuzuvha vakoloni ntudi hanga yiyonye yaninkisire vaturepo mbunga ezi.

Age katente asi Namibia ngesi kuna kumutumbura asi sirongo somapenda nampili ngomu asi pomuhowo kapi twakere noyuma. Mokukwama mwendi epangero lyombunga zaSWAPO kwarugana nawa unene moekonomi. Nsene otara vantu kuna kusiga kutunda mo Opuwo dogoro ko Venduka mo Tear road, kuna hupuko tupu 40km vagwanekedese Omakange na Kamanjab. Age katente asi nomukunda dono nzi ngesi dina gwana rutjeno. Sinzi Sovantu kuna kukanda nongombe dawo masiku, morwa noramba kuna kutema.

Morwa mukaro nye gwangoso age kahundilire vantu vavatere mbunga zaSWAPO zipangere ngorooro nampili vava womo Kunene nawo vahepa kuhorowora SWAPO, vasige tumbunga gona otutuna kuvakumbagera.
Kozili mbunga vanakutumbura asi RADOPA, awo kwagazarere asi vantu kuvakumbagera tupu tava pura.

Awo ngesi kuna kututantera asi ngava tapa magadi kugavheta mopomba makura toka terekesako kuvhura sili yihoroke eyi ndi? Nye mwahavatoona sigeni tupu ngavakalimona vene moyihando. Nye vahepa kuhageka kutumbura madina getu momudona. Age kahundilire vadinkantu vakwame nzira zongwa. Age katente asi udigu we ekonomi ou tuna kara nawo kapisi moNamibia mwelike kuna gumu uzuni naunye.Vauuyungi navenye kavauyungire kavalizire naSheehama.

Mukurona gumwe kakerepo kakere ministeragona go Gender Eguality and Child Welfare Angelika Muharukua ogu ana kara nage asi silyo zokomitiye zontjima-ntjima zoSWAPO. Muharukua ogu kakere asi muuyungi gomunene kahomokerere vankansela asi vahepa kutura rutjene morukanda vana kutumbura asi Katutura, morwaimo vakara vantu wovanzi. Gumwe kakerepo kakere foromani go vambanderu Salomon Hartley. Komeho vatameke nosigongi awo kavalimwenene nakauke vagava mfumwa kwava vavasiga, mapenda.

LEAVE A REPLY

Please enter your comment!
Please enter your name here