Mbunga Za Swapo Zina Kandurapo Edina Lyanangombe

0
15

MoVenduka

mbunga politika za SWAPO kuna kurwanesa etokoro mokuhamena madina gava valitjangesa asi ngano vakahamene momahoroworo mo Omuthiya. Ekanduropo lyawo kuna hamene unene kwa Magnus Nangombe ogu gakere asi kandindate nomuhorowoli gwa RDP.

Mbunga mpangeli kupitira momu karelipo gwazo momukunda Oshikoto Armas Amukwiyu, katjenge mbilive zize kwa magistrata mo Ondangwa Hope Ngara nokutanta asi nampili ngomu asi Nangombe mutungimo mo Omuthiya, kapi galitjangesere kukwama mazuva ogo vatulirepo gokulitjangesa. Amukwiyu katente asi Nangombe kwaya mutjenge mo 12 February, siruwo oso elitjangeso alyo nare lyahaga. Elitjangeso kwatamekere mo 4 dogoro mo 8 February 2008, ano awo vana parapo asi ose eyi tuna diva elitjangeso kwahege momazuva ogo vatutanterere.

Morwa udivi nye owo ose tuna diva asi Nangombe kapi ana wapere asi ahorowore momahoroworo aga gaOmuthiya. Mwa February mbunga za RDP, kwatuliremo marwaneso 42, ano za SWAPO azo 12. Ano awo kwatuma 54. Ano mogo masivano nye ogo ava 34 vene vaza kwamagastrata vayirwanese. Mowo 34 awo kwakagwanamo tupu asi Nahole Petrus kapi tawapere asi aka horowore.

Magastrata katumine eyi vagwana ko mbunga ezi azi gendesa mahoroworo Electoral Commission of Namibia ngesi kuna kundindira nye vayigave kwa Presidente ngomukurona gepangero ature asi ezuvake ngaga kara mahoroworo mo Omuthiya. Ano kwa Nangombe magastrata simpe kuna kupurako ECN yipo vature etokoro. Udigu wa Nangombe nawo umwe waninkisa ECN zihagekese mugendesi kuruna pamberewwa Philemon Kanime nova kwawo vatatu.

Mahoroworo mo Omuthiya hambara gakareko mwa February, nye yiyo vagahagekesere morwa masivana aga vatuliremo va SWAPO na RDP.Sayitunga za New Era kazigwene asi ECN nare vagusapo edina lya Nangombe pwava vana wapere ku kahoroworo.

LEAVE A REPLY

Please enter your comment!
Please enter your name here