Kamarada Kavetuna Tazi Mombongarero Zanavenye

0
12

MoVenduka

National Youth Council (NYC) hamutjanga ntoni gwazo, Juliet Kavetuna tava muganese neina akare silyo sombongarero zanavenye. Age hambara vamuganese mouvali nye vana veta kapi kava kerepo yiyonye vana kuyirugana neina. Kavetuna tapinganene mevango lya nakufa ministera gono mukunda nodoropa mambo nekuliko nomukunda doponze kamarada John A Pandeni. Age takara tupu muntu ndi silyo sokonyima. Kavetuna kwakere gou 65 pelikwamo lyombunga zendi za SWAPO.

Age kuna kara nye gwauvali mokukara asi hamutjanga ntoni gombunga zoVadinkantu ana kugava evango eli age aze kombongarero zanavenye.

Gumwe kagwene mpito ozo kuna kara ministeragona govadinkantu, Noyirugana yana venye, maudano nompo, Pohamba Shifeta. Age kuna siginye evango eli muporongwa lyouhamutjanga ntoni wo NYC, dogoro papa ngava kahingire wo komitiye zakahurako. Nsene ngava kayipulisire hawe hamutjanga ntoni ogo ta kara nye gokukwateramo dogoro ngava kakare nepongo lyenene. Ngendeseso zangesi kwahorokere mo 2005, Apa hamutjangantoni, Ralph Blaauw ogu vatuliremo wombunga zovadinkantu wo SWAPO a pinganene mwaShifeta ogu gagusire Presidente Pohamba amupe sirugana nasopeke. Mbunga zovadinkantu vaSWAPO vamwe vahamena kombunga ezi zo NYC. Ano ngendeseso zimwe vahameni kuvhura kugave madina gava vana kugazara asi kuvhura vagendese mberewa zina.Mbunga ezi zakahurako momatokoro zo NYC kuhingira nkenye apa konyima zonomvhura ne.

Eyi kuhoroka nsene asi navenye 26, NEC, ntani vakarelipo nomukunda 13, nonombunga edi dahamenamo vatokora nye asi yilye kandindate. Epongo lyo kansela no vahameni kuna kuligazarera kukakarako mwa Kudumogona 2008. Kapi nye tuna diva asi ngava zigidako epongo limwe ndi ngapi. Eyi kuna kara tupu nye momawoko go NEC, yimo katente gumwe gahamenako.

Kuna kumoneka asi kuvhura vatume madina vakarumbasanene evango eli. Sayitunga zoNew Era kazigwene nombudi asi vakandindate vavali nare vana bubuka. Awo kuna kara Julius Nyerere Namoloh ogu ana kara ngesi murugani ko NYC koyiha yimaliwa ntani mudinkantugara Mandela Kapere ogu ana kara ngesi asi hamutjangagona ntoni mo mbunga zova Pan African Youth Union, ana kara mo Algeria.

Kuvhura vagusepo powo vavali. Kavetuna kwamuhorowere mwa December 2005, aze mevango lya Blaauw, ogu nage gumwe gakere moumbondo wa AVID. Komeho awize moupolitika age kwakere nersa gau manena, yipo nye vamu pere hamutjanga gova dinkantu vaSWAPO koruha roukanguki. Age kwamukutire murugani gomunicipaliti zaOtjiwarongo koruha roukanguki.

LEAVE A REPLY

Please enter your comment!
Please enter your name here