Kansela Gwa Eenhana Tavamuganesa

0
7

Eenhana

kansela ogu kavahorowere sinkwa ntani Nehemia Haufiku gombunga politika za SWAPO kavamuganesere moyirugana, mupanguli moEenhana Melila Ankele. Haufiku kavamuhorowere asi kansela moutano kaupwire age kafundire unenene, nombunga edi kadi hamenenemo kadikere RDP, CoD nazi za SWAPO. Mbunga za SWAPO kazifundire nomazwi 4193 momazwi 4494 gava kavahorowere. Ano RDP kazigwene 289, CoD 12.

Mandume Pohamba munwa presidente Hifikepunye Pohamba yige gakere kansela gokukwateramo apa gadukiremo ogu gakeremo. Haufiku katumbwidilire kukarugana nankenye gumwe akare asi kupi gahorowora.

Twahepa kuruganeneni kumwe yipo tugusepo ruhepo, epiro yirugana ekanduro nomukisi ngwendi HIV/AIDS eyi yina kureta udigu momukunda.

Hambara 50% kapi kavahorowere mahorowo gomoutano, yimo ana kutanta Usko Nghaamwa. Sinzi sovantu kapi kavahorowere morwa muhura kazirokere. Sinzi sova horowoli kwakara ponze zodoropa. Sinzi sawo kwava tantera asi ezuvake naga kara mahoworo.

Age kapatanene yiuuyungwa asi vantu kwavatjilira siruwo somahoroworo.

Mukarelipo gwa RDP pevango lyokuhorowera po Omafa Loiba Ndapuka katente asi Nghaamwa emoneko lyendi pevango lina kali tjilisire vantu.

Mukarelipo NSHR, Beata Hainyondo katente asi Nghaamwa kwaza kovaforomani noku vatantere asi vahapulisire nombunga peke diuyungise vantu vawo. Ame nadiva yirugana yange. Apa nye kava mupulire asi gatura yigongi age katente asi hii, nye yigongi oyo yana venye yokuhamena ekuliko Nampili va RDP ndi CoD nawo yipo vakere. Vantu kwahara marumbasano ano apa nagawiza awo nokuharasi yimo ana kutanta nguuru gwa Ohangwena Usko Nghaamwa.

LEAVE A REPLY

Please enter your comment!
Please enter your name here