Evava Lyovadinkantu Wombunga Za Swapo Kavahangekesere Shaetonhodi

0
14

Movenduka

Mbunga politika zovadinkantu va SWAPO kavahagekesere hamutjanga gwazo gomukunda horowero Windhoek east, Mao Shaetonhodi, omu kavamugazarere asi kwarugana yoyidona kombunga politika zendi nevava lyovadinkantu.Shaetonhodi kwanyorokere mosikepa mvhura ezi zina pu aze ko RDP, eyi kuna kuyibuburura tupu mvhura zeezi. Age kapi gasiga paveta mbunga zendi zanare zovadinkantu va SWAPO. Age kavamutente asi kapi ana kuruganena mbunga zendi momuwa yimo kazi tente ntumwaraka ezi kava geve sinkwa ntani. Age kuna kuvatera vadinkantu ava vakara asi kapisi va SWAPO vagwane nombudi. Salomon Ilovu, hamutjanga gombunga zo vadinkantu wo SWAPO mo Khomas katente asi mbunga politika za SWAPO tazi kataparara ava vana kuvandavanda mombunga ezi vaze oku vawapera. Muntu wahepa kutokora asi omu SWAPO ndi hawe.

Shaetonhodi yige ana kara gokuhova vanatjida morupe rwangesi ano vamwe simpe tava wiza yimo ana kutanta Ilovu. Nampili ngomu yakara asi mbunga zovadinkantu kapisi yizo zokuhulilira kugava etokoro, kuna kumoneka asi etokoro lyangesi tava kalinkondo peke, nompitisili dombunga politika za SWAPO.

Etokoro eli kuna kundindira tupu valinkondopeke wokomitiye zepeguru. Ezi kuna kara tupu ngendeseso yimo ana kutanta Ilovu nye kuvhura vaka gwane nawo asi muntu ogu mufeka. Apa kava mupulire akumburureko Shaetonhodi katente asi ana gwana mbapira zina kumu tantere etido lyendi mo mbunga ezi, nye age katente asi kwato mulyo.

Oyo yawo neyi vanatjanga oyo yawo etokoro lya vene yimo ana kutanta Shaetonhodi.

Apa kavamupulire asi morwa sinke nye gapira tupu kutundamo mwene, age kalimbwilire asi oyo yokudiva nyamwange. Kapisi hepero nitundemo morwa kapi nakere moumpitisili. Ame kuna tundu mo moomu nawiziremo.
Shaetonhodi muna gara gwa John Shaetonhodi mugendesi gwa nare gwa TransNamib.

LEAVE A REPLY

Please enter your comment!
Please enter your name here