Pandeni Matja Oporotika Kaimo mu Kakurukouje

0
12

I Kae Matundu-Tjiparuro

OTJOMUISE

Ondiero oseinina ndjimaitja Vemuii Tjambiru onguri ombara yOuhonapare wOmbazu wa Kakurukouje yazikamena nu iri otja kOveta yOuhonapare wOmbazu yo 2000.

O Ministera yOmananeno wOtuokondua nOzongomainde, Omakwizikiro wOmaha nOmekursiriro wOkozombanda, John Pandeni, watja morutuu ro kukahurura omambo wombara ya Tanga, Katjambiaa Tjambiru, ngari mongorambo indji o Namibian Oritjatatu rotjiveke tjitjazuko. Ombara Tjambiru wakuminina ohoromende notjira tjo Swapo mongaro ohazendu yetiku yokuvaka ouvara mbuarumata ku ihe mondiro ye katjisupi kombunda yongutukiro. Watjere ozoministera kaatjondumba nozominsitera zokehi oure wozombura mbari ndakapita zeungura mekoveka “okunyondorokisira mo” mouvara omwatje we, Vemuii, omwatje werumbi poo wamwangu re Kaserekaze mena rokutja eye okanepo Swapo.

Otjaku ku Katjambiaa otjina ihi oaamndero wombunra ndjazuko tjavaza pondondo o Ministeri indji tjiyatia okuzemburuka Vemuii kotjiveta tjiyaza nokumuyeta kOtjomuise okuza kOpuwo naimuyarura notjimariva tjohoromende. Posyo Pandeni watja katjotjiri pumapehee Katjambia kutja ohoromende yaririsa otjina tjombazu otjopolotika. Watja ondiero oseinina motjina ihi yatoorerwa kounongo nondunge ndjaza kokomiti ongondononone nawina okwiisira koveta nongaro yombazu.

Pandeni watja nganduu katjisupi Ouhonapare wa Kakurukouje wOmbazu kauna indu wari awazemburukwa kotjiveta iyohoromende. Kombunda yondiro ya Vetamuna Tjambiru, ihe ya Katjambiaa mo 1991, Omutengwa Ukoruavi omuzandona wa Veripaka erumbi poo omwangu waihe ya Katjambiaa wahitisa omaningiriro womazemburukiro kohoromende owo ngangapitisiwa kombongarero yOtjirata tjOvanane vOmbazu mo 2003.

Otjirata ihi otjitjahinda orutu orukondonone kEtanga. Orutu indui rwa karyangera ounepo wOuhonapare wOmbazu wa Kakurukouje mu Katjose tjiyari 11-14 mo 2004 narukakara nozombongarero kuna ovanane nawina ounepo uriri wotjiwana ihi peke kuwo ouni okutara mondjivisiro ndjirwayakura. Munao Otjirata tjOvanane vOmbazu otjitjayandja ondunge kutja ouhopanapare imwbi uzemburukwe nomaningiriro wawo yehindue kotjiuru tjehi tjikatare mo.

Pandeni watja ondunge yokuzemburuka ouhonapare imbwi yahindua momatjangwa iye kotjiuru tjehi. Ngunda ouhoparare imbwi auri popezu nokuzemburukwa Katjambiaa otja tjanga orutuu kOmuyandjandunge Wapeke we (Pandeni), Omuhonge Hendrik Frederick mu Rozondu mo 2006 matjema ohunga na Vemuii ngumapeya azemburukwa otjombara yOuhonapare wOmbazu wa Kakurukouje. Munao Pandeni opa tjivisira otjiuru tjehi ondjemeno indji. Tjiyari 14 ku Ngarano mo 2006 wa hakaena kuna Katjambia noruhindo rwe mOtjomuise. Pombongarero indji eye opayendekera kutja pena ondjakaha nohepero kutja mbena ondjakaha kuwme veye pamwe mena rokutja ondjakaha ohunga nounane. Katjambia waitavera okuhakaena na Vemuii.

Ombongarero indji yahaama tjiyari yetano ku Ndengani mo 2006 po Ministeri. Ongooneya ya Kunene Dudu Murorua opari. Otupa tuvari itui katuzuvasanene. Mena rokuhina okuyenena okuzengurura ondjakaha indji otja koveta yombazu yao opuvatjangera orutuu rondjemeno ko Ministera oveta yOuhonapare wOmbazu otja tjiiheya. Otja koveta o Ministera tjiyazu nokuyakura orutuu rondjemeno indui okuza koveni vondjakaha wasere okutja tjimwe povina vivari. Okusembamisa orutu orukondonone poo okutoora ondiero kangamwa iahe ndjimamunu kutja maipwisa omazengururiro wayo. Eye watuapo orutu orukondonone. Rwakondonona otjina ihi naruraisa oumune waro mo matjangwa kuye. Nunda aperi nao Wezi Tjaronda Oritjatatu watjangere mo New Era kutja Katjambiaa wayanisa kutja otjina ihi kena kutjesa nganduu tjipeya oukohoke. “Maturwisa ohoromende kangamwa natjihe tjitunatjo nganduu tjipeya oukohoke,” watjere okupitira momutoroke Helga Tjipe pombongarero yozombuze Oritjavari. Katjambiaa natjiva vovananwa ve Omandaha vari amavekara nomaraisiro omapore wokuhina ohange pomaturiro wotjiuru tjehi ohunga nomazemburukiro wa Vemuii. Nungwari avehapewa ousemba.

SHARE
Previous articleBig Guns to Clash
Next articlePresident Opens Meat Plant

LEAVE A REPLY

Please enter your comment!
Please enter your name here