Presidente Pohamba Tatura Elikwamo Lyoupingwa Waafrika Moyirugana

0
7

MoVenduka

Presidente Hifikepunye Pohamba moune wakapita katulire ngendeseso zaNamibia ezi vana kugazara asi vature patjangwa eyi yahorokere moyirongo yaAfrika siruwo sina vakondjerere emanguruko.

Elikwamo vana kutumbura asi Afrika Liberation Heritage Programme. Eturo moyirugana egano lyaNamibia kalilizire kumwe nepongo eli kalikereko lyomazuva gavali,omu yirongo yokusika ko18,kayiyapongere moNamibia mokuyatara nzira zawo ezi vagenda dogoro navenye vagwane emanguruko.

Awo kava kere negano asi nampili ngomu asi kapi yalifana omu yagenda,hawe kuvhura kuyitura kumwe morwa navenye kwamona runyando kovanyengi ava vatundire koyirongo nayo peke.Presidente Pohamba kayinkondopekere asi Namibia gahepa kulituramo unene asi nayinye eyi varugana vayiture momatjangwa.Yirongo,nombunga edi davavaterere nado vahepa kuditumbura asi ngapi omu davavatererere. Rambangako yirongo eyi yakere asi yimo vakatulire nokamba dawo doukwayita,awo kwalituliremo vene nokutara asi yirongo yaAfrika yimanguruke,ano ngesi neina ose kuna kudjobwana emanguruko lyoyirongo yetu yaAfrika.

Makumbagero nomatjiliso, nokudipaga vantu kapi yatuninkisa asi tudompe nomutjima dogoro neina ngesi nyose ava.

Moukumwe wetu tuna yasiki dogoro pwaneina ngesi. Yipo asi yina wapa asi yihorokwa yangesi tuyitjange ngovantu vamwe tupu.yimo ana kutanta Pohamba.Nampili ngomu yakara asi kwalisiga hawe twahepa kukara nokomitiye zakutara asi yininke yetu yigendepo nawa. Eyi nayininkisa vana vetu ngavadive asi nani yimo twagenda ngesi.Asi ngapi twamona udigu kovanyengi vetu.Ano neina ose kuna kumona uwa ou tuna kudjobwana ngesi.

Elikwamo lyangesi nalitwaredera asi yirongo yetu yimone uwa moekonomi.Epongo kalihenge negano lyokukaturapo Trust novanaveta vawo kumwe novahamutjanga ava ngava tura yirugana eyi mouta wakora.Komiti zokusika kovantu ntazimwe kavazitulirepo nokutura yirugana yazo komeho kukapwe kwedi kwaNsinano mvhura ezi.Ano sirongo saTanzania kavasipere sinka kumwe nombunga zaUNESCO asi vakare tavapitisire elikwamo eli moyirongo yaAfrika.

Elikwamo eli kwalipulisilire UNESCO pepongo lyendi lyakereko lyo33, lyakereko mwaOktober 2005,negano eli vatulire panduruko lyo29. Egano eli vana kara nalyo ngesi lyokutunga nomesuem, Labraly nonoArchieves omu vana kugazara asi eyi ngayikaninkisa vantu vadiworoke asi ngapi yahorokere yekondjero emanguruko.

Ntani hena yipo vadive vantu asi Tanzania kwarugene unene mokupopera yirongo yikwawo,omu gageve nomudwaro nayimwe ngoso.

Mbetero ezi yizo vana kugazara asi kwatwaredera dogoro yirongo yombindakano nayo yimanguruke. Projeka zangesi kuna kupura yimaliwa yina siki konomiliyuna daAmerica dina siki ko15.

LEAVE A REPLY

Please enter your comment!
Please enter your name here