Dokotora Zaire Kwarugana Epuko Ndi?

0
10

MoVenduka

Mpanguro pokatji kadokotora Zaire Reinhardt nepangero lyaNamibia nkera ngurangura kalikereko,epangero kavakalikererepo mupanguli Dina Usiku ogu katokwere asi Zaire kwato epuko koyigazarwerwa eyi yine vamugazarera.Zaire kwamugazarera asi age kapi gakwama ngendeseso zouhaku zosintokorwa 21,omu navavhura kudura mazegovaturapo mo1993,asi kwato ogu navhura kudura mazego gahana kupitira mombunga ezi vana kutumbura asi Medical Board of Namibia.

Ogu karesere mbapira zepangero kakere mupanguli O.J.Lino ogu katente asi Zaire kwarugana epuko kutunda tupu mo1997 dogoro 1999, age kwakara dokotora gokudura mazego gahana epulisidiro.

Muhahende ogu kakarerepo Zaire Jan Wessels katambwire asi yousili Zaire kapi galitjangesa noMedical Board ofNamibia, asi nage gumwe ahakura ndi asi adura mazego.Mwenemwene dokotora gayilirongera nye kapi ana kwama ngendeseso omu zawapera.Age kapatanene asi kapisi wina gayiruiganena nye kuvhura kukwama veta moomu zawapera.Morwa mukaro nye gwangesi epangero yipo kalihundulire nombangi dedi.Gokuhova kugava umbangi kakere mukurona govaporosi koruha rwina ronoveta,Bart de Klerk.

De Klerk katente asi age kwamupere asi gahepa kukona-kona sihorokwa esi m02000,simwe esi varuganesere mbilive ezi zatundire komberewa zombunga ezi vana kutumbura asi Medical Board ofNaimibia,omu vatente asi Zaire kapi galitjangesa nampili nakauke. Age simpe kagwedereko asi gagwanekera novahakuli vamwe rambangako muntu ogu gageve masivano gokuhamena kwadokotora ogu.

Apa nye kavamulire asi gapurako ogu vana kutumbagura ndi? De Klerk kapi ana kuuyunga kuyukilira.Age kageve evango eli vana kutumbura asi Planck Street, poUN Plaza.Gumwe kageve umbangi kakere Frans Nepembe ogu katente asi age kwamuhakwire mo1998, noyiruwo yoyinzi yayakwemeko.Age kageve umbangi asi kwamuhakwire nare kokilinic zokoSoweto.Age kwakamutambwire varugani womunewkuto ogu,komeho aka mone Zaire ogu gakamupulire asi yinke ana kuvera.Age yipo galimbwilire asi kuna kuvera gaut ano Zaire yipo gamukona-konene nokutara asi ngapi nsene ana pyapyara.Ano kutunda opo Zaire yipo gamutwere komukadi ogu gauuyungire nendi.

Yipo nye gamusigire ano mukadi ogu tamuwenda kumwe nokumupa nomutji.

Nepembe kapi gadiva dogoro ngesi asi yilye mwene ogo mukadi.Nye katente asi ogu gamuhakwire Zaire kumwe nokumulika nyara.Apa nye kavamupulire asi yilye ono kugazara gatanterere mukadi ogu asi vakuwende age katente asi Zaire.

Monda kwakeremo simbangu sokupugwira nomutji nositafura.Nye ngesi kapi ana kudiva nawa-nawa asi wolye vakeremo.

Age kwazako yikando ntazimwe nye kwakwama ngendeseso zimwe tupu.
Hahende gwaZaire kapulire asi morwa sinke ana kupira kudiworoka nayinye ayo kwa horokere nomvhura muronga dina kukapitapo,age yiyo kalimbwilire asi kapi gayitjenge morwa kapi gadiovire asi ngayiza kompanguro.

Age simpe yiyo kavamupulire asi uministeli wahepa kugava nzapo zokulikida asi ngapi vana muhakura.Simpe kavamupulire asi muntu nye ogo gamupere nomutji nage kapi gadiva kuhakura ndi?

Yiyo kavamupulire asi gafutire ndi hawe age asi gafutire,nye umbangi ou kageve kapi una wapa
.Mpanguro tazitwikire simpe ava vana kundindira kuna kara ministeragona gepoperoGabes Shihepo ntani komisare gwaNamibia koBotswana Hadino Hishongwa

LEAVE A REPLY

Please enter your comment!
Please enter your name here