Omuvanda wa von Trotha Watikanana mOtjomuise

0
10

OTJOMUISE

Ngunda omuvanda wna ra von Trotha momaturiro wa Tjomuise motjihuro inga o Luxury Hill awatikana poo ahiya rora nandarire okuuta okuhungiriwa, ovaungure vongomainde yotjihuro tja Munich vasemisire omuvanda wena tjingero.

Omuvanda imbwi mOtjihuro ihi mOrukondua rwa Bavaria mehi rOvandoitji Oritjatano ndazuko otjiwananwe omukoka omuserandu nu otjiraisiro tjen indi epe, Herero, atjirondo.

Ombura ndjazuko otjirata tjotjihuro ihi otji tjakuta kutja omuvanda imbwi urukururwe nu auhara amautjiukwa otjomuvanda wa von Trotha rukwao.

Ozorata zotjihuro ihi tjiva aa zemunu kutja ohoni kotjihuro tjazo okukarara nomuvanda wena raingwi ngwari kongotue yovitukaungura vyOtjitiro Otjindjandja tjOvaherero nOvakwena mo 1904.

Kombunda yomieze hamboumwe oviraise vyena ra von Trotha mu mwananewe omukoka omuserandu wo kuraisa kutja indi kandiri ena romuvanda imbwi okuzamba, otjimaviherurwa napesewa inbi vyena indi Herero uriri.

Omutjange wozombuze okuza kotjihuro ihi, Henning Hintze, waraisire kutja ombepo yokurundurura ena romuvanda imbwi yaetua iyotjira tjopolotika ihi tjoruhapo, o Green, na ipewa omasa iyo Social Democratic Party. Ozorata zotjira tjopolotika yotjivepo tjopolotika youkriste okupikira komanene ihi o Conservative Christian Social Union nawina otjira ihi otjipupurukwe mombepo yopolotika, o Liberal Party, vya pirura ombepo indji.

LEAVE A REPLY

Please enter your comment!
Please enter your name here