Pohamba Wakendua Iyoviwana Ovingi Mbipaha Okuzemburukwa

0
9

By Kuvee Kangueehi

OTJOMUISE

Otjiuru tjehi Hifikepunye Pohamba matja unongendo notjivaro tji tjikura tjo viwana peke peke mbiningira okuzemburukwa iyohoromende. Otja ku Pohamba ozombura omurongo ndakapita ouhopare auhe kuwme o 42 wa zemburukwa.

Ovikando tjiva omaningiriro inga yeza kovandu mberi kehi youhonapare mbwa zemburukwa rukuru poo yeza koutundu. Watja ihi mapeya atji hana oviwana moutukondi kondi nawina atjikunu ohani mokati kovandu. Watja koumune we kaurizemburuka ouwa okutoora ondjira ndji maikayeta kutja omatundu yepahe omazemburukiro otjo matundu omerikuramene.

Pohamba Omandaha wa patururire omahaameno oetja murongo womahaameno wombura aihe wOtjirata tjOvanane vOmbazu. Watjere o Namibia ehi ndazikamisirwa kozongunde zouyara, omirari vyoveta nokuhina ohendeka mombwiro yotjiwana.

E artikeri rokehi re artikeri 102 rOngunde Veta ya Namibia ritja: Mapekara Otjirata tjOvanane Vombazu otja koveta yOndjuwo yOzoveta okuyandja ondunge ko Presidenda moma haneno no maungurisiro wehi ra kangamwa nawina movina vyarwe o Presidenda mumaizeri ondunge.” Otja komaraisiro wOngunde Veta inga ongahukiro kutja omauhonapare wombazu mayeundjirwa okuyandja ondunge ku Presidenda movinenge mbimavitunu kovandu nawina momayandjero wehi mehi ra kangamwa. Wina vasere okuvehonga ombwiro ya pamwe. “Vasere okukara ama vehongo oviwana vyao tjinene omitanda okuyandja ondengero kOngunde Veta ya Namibia nozoveta zarwe za Namibia,” watjere naweza ko kutja ovanane vasere okuvehonga ohepero yongaro nomihingo oviwana muvihupa.

Ohepero tjingetjo omauhonapare wombazu okuungura kumwe nohoromende okutunduuza omekurisiro wombwiko nombwaneno yotjiwana.

Pohamba wa tokere ovanane vombazu okuzengurura moupore kangamwa ondjakaha ndjimaihapa motjiwana nawina inda ndumazetunu ko mauhonapare omararanganda nawo.

Pohamba we ve kwamberereko okuhina kuwomba okutuna omapitasaneno kangamwa ngamunika motjiwana ngunda ave hiye kapitisa kOtjirata tjOvanane vOmbazu.

Komurungu we ve tokere okuungura kumwe nokukara mombwaneno mokurwisa ovi vehungame tjimuna Ondui yEhinga, Ehinga, ondjara, okuhina omahongero, ongatukiro yoveta nomauvi yarwe motjiwana ngehetjirarisa.
Pohamba waningire ondengero kongaro yombazu novitjitua vyomuhoko natja ovyo ombiri ongunde yotjiwana.

Momwinyo tjingewo ongaro novitjitua vyomuhoko imbi pu mavi kuramene otjiwana momurungu mongondjero yatjo yoku hungama ovitjihungame, otjo ngatjikare noupupurukwe okuvirundurura, tjinene mongondjero kuna Ehinga.
Watja movitjitua avihe ngamukare ovakazendu otjovazapamwe mbeteki mo mekurisiro. Ovakazendu vasere okupewa ondengero ndjevepwire otjoina votjiwana otja kozoveta zehi. Tjingetjo ozombongo nawina ounepo warwe wotjiwana wasere okurira ovazapamwe ovahenendu motjiungura tjokupaha omazengururiro kovipwite mo matungiro wotjiwana.

LEAVE A REPLY

Please enter your comment!
Please enter your name here