Ovikango? Opouwa? Otjitjekura? Okazera?Omillee? Okakazona?

0
25

I Charles Tjatindi

OTJOMUISE

Oruuma rwatuima ovanarupa peke peke mOviritje tjivautu okuvara omayuva ngasewako okuva za keyuva enene mo makuruhungi wOviritje tji mavehara ozondjambi.

Omayandjero wozondjambi inga ngeri tjiyeri 3 ku Tjikukutu, mayetua poruhaera ondoneno yovanarupa mOviritje omakaendero wombura indji.

Mozondjambi inda wina muna ozondjambi zoupandi orupa ovandu peke peke nduvakara naro momekurisiro kutja omo ndunino yotjiwana nombwiko nawina ombazu, pu mavezemburukwa. Omunane wOmanyomokisiro nOmatjivisiro wonganda indji o Pekepena, Abed Nakalenga, matja ozondjambi inda zatjitirwa okuzemburuka ondengu Oviritje mbivyaweza kotjitamba tjo mizumbi otjorupa rumwe romizumbi ndusurumuka. “Katjotjiri Oviritje vye surumuka tjimuna omayova. Tuamuna kutja tuasere okuzemburuka ongondjero indji nozondjambi kovanarupa.”

Pongurova yozondjambi indji tjingetjo ovatone va Namibia vovihumba va katjoruhonga mavenyanukisa ovaenda nu wina mapekara ozonyose zomanyando, ovanyomokise womizumbi vouye, ovyuru vyozo ngetjeva novameme vovina. Nandarire kutja ovakuramenepo vo Pekepena kave vangere okuraisa kutja ovayandje vozongombe oo une, vatja muwo muna ovayandja vondunge motjitamba tjomizumbi nawina ovaimbure ovakuru. Mokuyandja ozongombe makutarewa komeriworonganisiro, omuzura womuzumbi, omwano oumuzumbi peke peke mbu maukongorerasana mobonronganeno yawo nawina kombuze youmuzumbi. “Matuvanga kutja tuye novaimbure mberiwo katjotjiri. Munao otjeri ohepero okukara novinenge peke peke ku ma kuyandjerwa ozongombe,” Nakalenga matja.

Ozondjambi mazeyandjerwa kovito o 20 mumuna Omuyenda Motjitamba wombura, Omwiimbure Kourike we wombura, Ovaimbure Pamwe vombura nOmupunde wombura, muvyarwe ovingi. Ondjambi yongurova oyondjo yOmwiimbure wombura omutaare mu ma yakura o N$5000, ongombe ondendu o Brahman nondjambi yokukasuva yovandu vevari koruveze ngunda ndu hiya tjiukisiwa. Mbaurikwa motjito ihi Ovikango mena rokamuzumbi kao inga Ali, o Pouua na Delilah, Okazera na Skuturu, o Millennium na Tjiuana, Kakazona Kavari na Owee Nependa na Tjitjekura no kazumbi kao inga Ombunda.

Otjitjitua ihi tja yenenisiwa nombatero nonganda yomahundju indji o Diaz. Matjikara ponganda yomasekiriro wovayenda o Safari Hotel nu matjiutu mo hamboumwe yomapeta.

Oukarata mbuheri wo kovitiha maukosa N$100 nu imbwi wokovitiha o N$300 puna omariro. Oukarata mauvazewa ponganda orandise yomizumbu indji o Universal Sounds momurari imbwi o Post Mall nawina pOstora yOviritje mOrundjai rOvaherero.

LEAVE A REPLY

Please enter your comment!
Please enter your name here