Ozondjira Zahungama ko Maruru, Ozombu Zovindimba na Puwo

0
12

I Kae Matundu-Tjiparuro

OTJOMUISE

Ozondjira zotjiwana tjOvaherero nOvambanderu novazapamwe vatjo ndinondi na muhuka mazetara naze hungama komikuma vitatu vye Omaruru, Ozombu Zovindimba na Opuwo.

Omovitjitua aviyetatu mbina otjina nOtjitiro Otjindjandja tjomuhoko. kOmaruru okomaamberero wOtjiyapa, kOzombu Zovindimba oku kazemburuka ozombura 103 zeraa ra Lothar von Trotha kutja omuhoko imbwi ngaujandekwe nu kOpuwo oku kazemburuka ozombangane zo Tjikaoko po Karundu Kozombangane.

Oritjavari rotjiveke ihi eraa ra von Trotha nda tjiukisiwa tjiyari 2 ku Seninani mo 1904, otji ratjitire ozombura 103. Eyuva tjingero orupa orunene roruhindo eotjimbumba tjo tjikutu tja von Trotha otji rwa herukire mo Namibia. Oruhindo indui runa oviveke vivari mo Namibia nu omayuva wo masuviro inga ma ru kakarara pomaamberero wa Maruru pu ma ru undjirwa oku kayandja ehungi rwaro rotjikoro ohunga nomakuruhungi womuzapamwe naro Lothar.

Omerirongerisiro kovitjitua vyo tjitiro otjindjandja yautire otjiveke tjitjazuko ombongo yo St. John kehi yo Mbitjopa Hengari tjiyari nongurova yongumbiro yokuyandja omasa kongondjero yOmbara Otjitambi yOvaherero, Kuaima Riruako, motjiungura tjokupaha otjisuta tjombindu yomuhoko. Mombinika yongurova pongumbiro indji Katitii Mbaeva watjere ndoondoo komerihekeneno wombara Riruako kutja ozombongo zekumbire ongondjero yotjisuta natja omuhoko imbwi wakara kehi yondjuriro onene nu ngaa kundinondi warimbara no kupizuka mouye mo mahi tjimuna o Cameroon na South Africa mo Transvaal ndionondi o Limpopo erero ovimbumba kumavizire oku kazemburuka ozombura esere Ombara Samuel Maharero tja kavaza mehi indo. Omatupa womuhoko yasewa mo Kokaverua wina mu mwa umwa tjiva aveuminwa kOmahi Omakutasane wa America. Watjere Eraa Romayandekero nangwari yari ovyungura vya ndjambi tjinga nandarire mondando yOvandoitji oro kanaa reirisiwa omuhoko uhupe otja tjiwahupa na tjandje Ndjambi uripunawo. Mbaeva watjere ihi tji tjautua i Ndjambi kanaa tjiyandekwa. Watjere omuhoko wOvaherero nOvambanderu oo muhoko mbwa pizuka momahi warwe nu ihi otjiraisiro tjokutja owo ombwa tunwa iyOtjitiro Otjindjandja. Watjere omerihekeneno wOmbara Riruako kozombongo okukumba nandarire kutja otjomundu komuvanga tjenatjo otjiungura tja Ndjambi nu otja Muhona Jesu tjimatja nandarire kutja kona kumuvanga kongorera ovyungura vye orondu ovyungura vya Muhona.

Munai Mbaeva otjaningirire omuhoko okuvatera ombara motjiungura otjinene tjii natjo. Watjere otjiposa ihi nambano tjauta okuhungirirwa mena rozongondjero ze natja eye kena ombara ye Omuhona posyo uri kongotue yotjiungura ombara Riruako tjenatjo. Munao otjaningirire ozombongo peke peke okumukumbira natja kakuna tjitjihayanda natja ombindu yomahi nga tukutukire ya sutua novature wawo mbarimbarere wayaruka konganda.

Omuhoko mbwasewa ko uiumwe uriri “owombo owetu”.

Oritjavari ozondjira za Zombu Zovindimba za serurirwe nongurova yongumbiro metuwo rovijitua rOkomando nembo rayandjerwe iyo omuhonge Joshua Musutua okuza me Pisarema 124. Mombinika ye Musutua waraisire kutja omuhoko imbwi ngunda kauya hara omunane ependa tjimuna Riruako okeri ngahino maa kakwatua. Movahonge mbari povitjitua imbi yari o Mbitjopa Tjipueja Mutirua wo St John no Mbitjopa Onene yo St John Kaitikisa Tjiuombo ngwa patere ongurova indi nongumbiro.

Ngunda aperi nao omunane woruhindo rozondekurona za von Trotha, Wolf-Thilo von Trotha, mehungi re kozombuze pomaherukiro wao mo Namibia wa yarukire mo mambo ngaraisa kOmbara Kaihepovazandu Maharero mo 2004 tja ka ryangera ehi rOvandoitji. “Ete, ounepo wetundu ra von Trotha, tuna ohoni ohunga no vitjitua ovivi mbya karapo ozombura esere ndakapita. Tuna omwiihamawa tima omune ku imbi mbyatjitua kovandu venu nawina kOvakwena nOvatakume: ondiro oyaukise no hina oukohoke ko varumendu, ovakazendu novanatje monayovi. Matuyandja oruvara keningira rondjesrio ndaningirwa iyohoromende yOvandoitji nu matuyandja omasa komahungiriro kumwe pokati kehi rOvandoitji, o Nmaibia nOvaherero otja komasorero wetu.”

LEAVE A REPLY

Please enter your comment!
Please enter your name here