Ohoromende Mairipurire Koprysa Yomaze Ondikame

0
10

I Petronella Sibeene
OTJOMUISE

Ohoromende maitara komwano nani wokutuapo oprysa yopokati yomaze womatemba mena rokuhina ondikameno mozoprysa zomaze motjitamba tjomaze, o Ministera yOzongoporo nOviyakise, Erki Nghimtina, matja.

Mehungi kuna o New Era Oritjatatu, Nghimtina watjere o ministeri ye maipaha oprysa yopokati no kutua kumwe oprysa yokehi kehi kuna indjo yoko mbanda mbanda tjazumba okuhana otjivarero ihi tjiyamunu mombari okumuna oprysa yopokati. Otja ku Nghimtina ihi matjiyandjere ohoromende nawina ovana matemba oku kwizika otjimariva tjomaze nawa.

“Nai otja tjiperi ouzeu oku kwizika otjimariva tjomaze mena rokutja oprysa ironda noku heruka peyapayuva,” watjere. Wawezire ko natja ohoromende ngunda maihapa ondunge kovatjiwe kutja harukuru oprysa ndjiyatuapo ikare nomwinyo omure.

Watjere mena ro u mwatamwate wotjina ihi ohepero okupaha ondunge kovatjiwe. Nandarire mo mbimbasaneno ombwa yotjimariva oruveze indui nawina omaherukiro katjisupi woprysa yomaze omakande okuza kozondola za America o 80 motjikuve nganduu ko 75, o Ministera yatjere oprysa yomaze i ryanga ryanga pokati kozondola za America 0 75 no 71 motjikuve.

Warakizire kutja oprysa yomaze omakande motjitamba tjouye tjomaze ma i undjirwa okuronda katiti omieze mbimaviya.

“Ihi omena rovinenge peke peke ovitaazu mondjindo mozoprysa zouye zomaze omakande, omavangero nomasa wo ndisera nouhena mo ma pukiro wovize vyo momaze,” watjere.

Omweze mbwazuko omaze povipakere yavaza N$7 mo ritera. MEzorongondo omaze ngayaruka moruveze wa inga omakuru wohanga yavaza o N$6,98 mo ritera ngunda inga gehina ohanga ayarira N$6,91 noritera yo ndisera ayavaza N$6,70. MOtjomuise wo moruveze wainga wo hanga yavaza N$7,07 mo ritera nu ngehina ohanga o N$7,09 no ndisera N$6,89.

Omayerurukiro wo prysa yo movize vyo pomaze tjinene yetjitua iyo mekuriro mouye.

O Ministera wari nomaundjiro kutja karure nu ka nambano tjandje o Namibia ratopora omaze. Nandarire kutja kaa vangere okuhandjauka, Nghimtina watjere ehi rina omburo enene yo ngasa nu katjisupi ehi tjandje ratjiwa kutja otjiungura tjo Ngasa ya Kudu ma tji hungama pi. “Ndoovazu tuna o urana no ngasa mozomburo zarwe zo mbutiro, o Namibia okutja rina oruyaveze oruyere.

“Nambano tji matuhepa ovaungure ovasore,” watjere.

O Ministera yatokere ovahongwa okuuta okuripurira ko ku ritjangisa kovirihongwa mbyatjam kounongo wovimemwa kutja vesetike ondovi ndjiripo morupa indui. “Ovahongwa vasere okutuara ovirihongwa mbyatjama kounongo wovimemwa komutima mena rokutja oo mwano auyerike mburipo wokuyeta ondanakurio no kukurisa ongorongova,” wawezire ko.

LEAVE A REPLY

Please enter your comment!
Please enter your name here