Erunga rOvinamwinyo Ramunu Ozombura o 15

0
12

EPAKO

Omurumenu wozombura o 31 Oritjaine rotjiveke tjitjazuko wa perwe ozombura o 15 mondeko mena rourunga wovinamwinyo.

Godfried Mogotsi wa kamburwa nozongombe hambombari tjiyari 15 ku Ngarano mo 2003 ndaa zehakwa kutja zavakwa mozofarama mo zondendera za Pako. Ondengu yazo aa itataimbwa pozondola za Namibia o 15,000 nozo azehe zamunika iyoporise naze yarurwa koveni vazo. Otjombanguriro tjazuvire kutja Mogotsi komurungu wari aa munika ondjo mongatukiro tjingeyo tjiyari 15 ku Seninari mo 2001 eye papewa omberero yokusuta o N$1,500 poo ombura mondeko nozombura mbari zozombura ine aisirwa kutja meke ritjinde a hakotoka komurungu wotjombanguriro mongatukiro tjingeyo. Posyo eye wakatuka rukwao kombunda yombura nomieze hambondatu.

Omurondore Cornelius Kauami wa raerere omupangure Johannes Shuuveni kutja ovameme voveta mo 2004 varundurura Oveta yOurunga wOvinamwinyo yo 1990 kutja ovyombanguriro viyandje omberero yo ko mbanda mbanda kovakatuke mena rokutja ourunga wovinamwinyo warira oukendise. Kauami watjere matjizu ko vyombanguriro noporise okukondja kutja owini wovakwatera va Namibia, tjinene ovinamwinyo vikare nondjeverero.

Omupangure watjere omurondorwa keya raisire otjombanguriro kutja watata natja eye omurumendu omutanda ngwaso kutja uungura nayandja ohambwarakana komekurisiro pendje nomaurunga wo vinamwinyo.

Ohoromende yavangere kutja ondjo ya Mogotsi indjo onguri iyarurweko posyo omupangure akara nouzeu mokutja kapena otutuu tu matu hatoi ondjo indji. – Nampa

LEAVE A REPLY

Please enter your comment!
Please enter your name here