Nambano Mavetara Omatokero Neho Epe

0
14

I Petronella Sibeene

OTJOMUISE

O Ministera Ondenga Nahas Angula matja omatjindisiro movihavero vyo vatjangerepo wo zo ministeri ovakarerere yari ohepero mena rongendo onene yohoromende ohunga no maunguriro omangundi wo zo ministeri ozengi.

Posyo matja omukambo imbwi a u minikwa otjo ruhongwe ku imba avehe mba tjindisiwa mena rokutja tjiva vawo ovyungura vya
vaungura. “Omarundururiro
yatjitwa mena rokutja matuvanga ovatjangerepo ovakarerere okutara rukwao ko matokero wovyungura. Tji wakara pona pemwe oruveze orure ove ndinondi omatokero koyemunu.” Matja movito vyao ovipe nambano ovatjengerepo ovakarerere mavetara komatokero inga neho rarwe.

“Kakupangura karive posyo omwano wo kutuyandjera okutara ku imbi mbutyingura
neho epe.”

Omandaha Angula watjivisire omarundururiro wovatjangerepo ovakarerere mo Ministeri yOukohoke mOvyoveta nOmberoo Yohahende Onene yOhoromende (Steve Katjiuanjo), o Ministeri yOmahi nOmahandurisiro (Lidwina Shapwa), o Ministeri yOzondendera nOvayenda (Dr Kalumbi Shangula), o Ministeri yOmahundju nOvize vyOmomuronga o Ministeri yOtutombo nOvikunwa Omvea nOmahwa (Andrew Ndeshishi), o Ministeri yOuveruke nOndumbo yOtjiwana (Kahijoro Kahuure), o Ministeri yOmapimbasaneno nOzongetjefa (Malan Lindique), O Ministeri yOmapitisiro Kombepo nOndjivisiro (Mbeuta wa Ndjarakana), Omberoo yo Ministera Ondenga (Nangula Mbako), Ovatjangerepo vo Cambineta (Loini Katomo).

Angula watja kapena kuheya kutja ozo ministeri inda otjikando ihi nde ha tuninwe okutja zeungura nawa poo indee posyo omena rokutja kanawa oku tungunyuna ohoromende aihe otjikando tjimwe. Kana paraisa kutja hapo inga oo mautiro wa vyarwe mbi ri komeho. Ovatarere mavemunu kutja omatjindisiro wo vatjangerepo inga otjiwova uriri tjo kuhoreka imba mbe haungura. Posyo Angula we pe pirura natja ovatjangerepo ovakarerere ovaungure vohoromende mbakutua kehi yo ndouvasaneno nu ndoovazu kavena kuyenena movito vyao maverambwa poo omazuvasaneno wao kayena kuyarurwako. Nandarire kutja maitavere kutja omatjindisiro inga kapena kuya kutja yatara ko maunguriro, moruyaveze omaunguriro oo tjina ku ma ku tarewa. Katjisupi watja ohoromende ma i sembamisa omirari vyo ku kongorera ovyungura vyo vatjangerepo ovakarerere.

LEAVE A REPLY

Please enter your comment!
Please enter your name here