Mpitisili Gorudi Rwacongo Tayadingura Namibia

0
7

Presidente-goRepublic zaCongo Denis Sassoou Ng ‘ueso kayamyahukire nkera omu ana kuya kara mosirongo esi mazuva gatatu,ano age kayamundindilireko mukurukadi gwendi Antoinenette Ng’uesso.Presidente ogu tava kamutambura kokapare presidente gwaNamibia Hifikepunye Pohamba,nkuru ministera Nahas Angula,nankuruministeragona Libertina Amathila.Vakarelipo woyirongo nawo kuvakere vamwe ava kava katambwire mugenda ogu.Apa nye kaya sikire pokapare age kava mutambwire nomauta gana kundwanguma ganasiki ko21,konyima yiyo kavadimbire rusumo rosirongo saNamibia norurwaCongo. Age kakatere hena asi vakwayita vaNamibia vanadwaranawa ndi hawe.Ngurova zoozo kayasikire kumwe nokutameka yigongi yopaveta yipo vankondopeke ukwawo waNamibia naCongo.Zoozo nguruva ozo yipo kava mupere murarero gomfumwa.Mositata age kuna kumundindira aka dingure kampani zokawe vana kutumbura asi Lev Leviev naMeatco nokukatura mbya komayendo gomapenda.Ponze zositata age takadingura kampani zomugwa moSwakopmund ntani taka dingura Tunacor Fisheries Factory ntani nevango eli ava pungwire nomfi. Apa nakatengura koVenduka age tayakara nomurarero kumwe novanangesefa kevango lyaNampower.Ano mugolikadi gwendi Ng’uesso takadingura vantu wonombunga edi da OEWONA,mbunga ezi gatamekere mugolikadi gwapresidente Pohamba.Ntumwaraka ezi kavatumine woministeli zomapukururo kazitente asi ukwawo waNamibia naCongo wanare komeho sirongo esi sika manguruke.Congo kwavaterere SWAPO dogoro aya gwane emanguruko lyamwene.Sirongo saCongo kwageve evhu omu vadewilire vanasure mokupangerapangera posure vana kutumbura asi Loudima.g. Namibia ngesi kuna kara asi evango lyovatjwayuki wokutunda koCongo vana siki ko105 ava vana kara ngesi koOsire.Mvhra ezi kazipwire Presidente Pohamba kakadingwire koCongo.Ano edinguro eli kwakahagerere nomanyatero gomalizuvho kumwe,nomina,nodira,nomfi.Ntani hena kwakeremo asi pakare malizuvho pokatji kongesefa nokupopera epunguro momapangero aga gavali.Ntani kwakatulirepo asi pakare ukumwe wonombunga edi dovanangesefa vana kutumbura asi PCCCC no NCCI nalyo elizuvho olyo kwakalisayinine.Kuna kuyigazara asi malizuvho goukume panangesefagona kuvhura kuyakara tayilikundu nokuyaturapo manyatero eli navayaturapo vakurona ava womapangero aga gavali.yimo zina kutanta ntumwaraka ezi.