Ouyara Mehi Wahara Omize

0
10

I Kae Matundu-Tjiparuro

OTJOMUISE

Ovakwatera va Namibia avehe ngavekare nonyune mokutja okuza ko ngutukiro yehi ngamba ouyara mehi wa harera ko omize omikoto mehi nu wazikama.

O Presidenda Hifikepunye Pohamba wa tjere mehungi re ro mazemburukiro wo zombura o 17 zo ngutukiro. Omazemburukiro omanene nene yari mOtjozondjii pu pari o Presidenda ya Zambia, Levy Mwanawasa ngunda mouparanga wehi apari omazemburukiro ehungi ro Presidenda Pohamba pura reserwe. Muno mOtjomusie ehungi indi ra reserwe iyo Ministera yOmaneneno wOtukondua nOzongomainde, Ozondjuwo nOmekuririsro wOkozombanda, John Pandeni. Oyo yari pOrutjandja rOngutukiro.

Pohamba watjere koru veze veze mukara omatoororero omakutuke no mana uyara. Ehi wina ra ka yenda komurungu mohange no u pore. Re ri yandjera ko u yara, ombwaneno, ohange, omekurisiro wombwiko no ndjesirasaneno no nomirari vyo veta. Munao otja tjere makambura kutja ehi riri mo muhunga mburiwo okutjita kutja ri rire oruveze orusemba ku avehe na ko zo ndekurona za muhuka. Wa ningirire otjiwana oku ungura kumwe okutona mo umune umwe wo Namibia onamasa, onahange no yovi parure muhuka.
Mu imbi ivingi ehi mura tona o u re wo zombura o 17 zongutukiro yaro, Pohamba wa tamunine ondjesirasaneno ndjatjere ya tjinda otjiwana tja Namibia nawa mena rokutja kanaa tja yarukasana nungwari pazikama otjiwna otji takame tjovature mbeungura kumwe okuurisa ozondando zao ovahehe zo mekurisiro wo mbwiko no ma yeruriro wondondo yehupo rovandu varo avehe. Watjere nandarire kutja ozombura 17 oruveze orusupi ehi rasere okukara nonyune mu imbi mbi ratona kutja ri rire oruveze orupwe kovature varo avehe.

Watjere mo kurondera ko zondoneno zaro ehi ma ri ryama komurungu ama ritandere ko ku tungira otjiwana ovihepwe kondumbo yatjo, oku nyomokisa omekurisiro wo mbwiko, okurwisa o u kaiya, oku neneparisa ovyungurisiwa no vi hakaenise nawina okutara mo uhepe wehi no ku kondja kutja pekare ondjeverero nondjururiro muro. Watjere ehi re riyandjera oku neneparisa no ku pwisa omahongero komurungu. Muvyo omahongero wo marongerisiro wo u natje komahongero ya kotorwa momake wo horomende.

Ohoromende wina ye ri yandjera okutara ko u hepe wo vyungura mo mitanda mbiza mo mozoskole omingi ngunda mbi hiya kaha. Ongondjero indji ipitira mOtjiungura Tjomarongerisiro wOmitanda nOzonganda zOmahongero wOvyungura Vyokomake. Nai ku ripurirwa oku tandavarisa ozonganda inda no mazikamisiro wa zarwe ozengi.

Morupa ro u veruke ozonamiti ozombe, ozondanda zouveruke nozo ndanda zombatero yovavere za tungwa, aze tungururwa no ku pwisiwa.

LEAVE A REPLY

Please enter your comment!
Please enter your name here