Ombepo yOtjisuta Maihitisiwa mOndjuwo yOzoveta yOvandoitji

0
4

Karure nu kanambano Ondjuwo yOzoveta yehi rOvandoitji maiso okutara mo mbepo ndji ma i toko ohoromende yehi rOvandoitji okusuta Ovaherero nOvakwena kOtjitiro Otjindjandja tjitja tjitua kuwo iyo vimbumba vyo ndjururiro vyo horomende yohuurire yOvandoitji. Erero omutjangerepo wo ngoramambo indji o Namibian okuza ko Munich mehi rOvandoitji, Henning Hintze, watjangere mongora mambo indji kutja ounepo wondjuwo yozoveta yOvandoitji wotjira ihi tjitjiritja tji pikira komamuho Oritjavari wazuvasanene no kuhina okupitasana okuyandja oruvara kombepo ya Hueseyin Aydin nguri omutjiwe wao moviposa vyo huurire ya South West Africa o Namibia otja tjaa ritjiukwa mo u huura. Ombepo indji ma i ningire ohoromende yehi rOvandoitji okuyakura “omeziririra wayo wo makuruhungi” no ku “itavera o u samba wOvaherero nOvakwena okusutua” mena rOtjitiro tjao Otjindjandja tjitja tjitua iyo ozotrupa inda ozo Schutz. Komurungu ombepo indji ma i ningire ohoromende indji okuuta okuhungira kuna oviwana mbya hangaukire o u paturuke nu no kihina kutja ma ihungire kunawo tjiva tjiti tjimwe poo tjarwe. Otjira ihi matjivanga ondjuwo yozoveta yOvandoitji okuyakura ombepo yOmbongarero yOtjiwana ya Namibia ndjiningira ohoromende yOvandoitji okuyakura kutja Otjitiro Otjindjandja tja karapo. Komurungu ma i ningire kutja pe sembamisiwe ombwiko ndji ma itanda okuyandja omasa mehi rOvandoitji ko mekurisiro wondjiviro yo ma kuruhungi wo huurire no ku nyomokisa omahakaeneno pokati kehi indi no Namibia morupa ro mitanda no mahongero. Ovatarere motjitamba tjo polotika ma ve undjire ko kutja ovira vyo polotika vivari ovinene nene mehi rOvandoitji o Christian Democratic Union (CDU) no Social Democratic Party (SPD) mavi nakaura ombepo indji. Posyo oyo ma i yenene oku toka ombata ombe yOtjitiro Otjindjandja mondjuwo yozoveta yehi indi nawina mozombongo, otutu tuo vaungure no tutu tu tuheri tuo horomende. Aydin ongwari okanepo kOndjuwo yOzoveta yehi rOvandoitji okatenga mu Kambundu mo 2006 okupita mo tjikotji kutja Ovaherero nOvakwena vasere okusutua. Eye wa nangerwe iyOmbara Otjitambi yOvaherero komaambero wa Kahandja mu Katjose mo 2006. Mu Seninani mo 2006 Aydin wahaamisa ombongarero mo Berlin pu pa kakara Ovaherero vevari okuza mo Namibia okanepo kOndjuwo yOzoveta Arnold Tjihuiko nOmutjangerepo wOzondjuwo Zouhona zOvaherero, Rudolph Hongoze. Onganda yOvandoitji yOndjivisiro yOvitjitua vya Africa kehi, o u supi o Issa, yaya kurire ombepo yotjira tjitjipikira ko mamuho ihi nu morutuu rwayo ko zombuze aitja mondjesirasaneno Ovandoitji wina vasere okurira ovapaturuke okuyandja otjisuta. O Issa onduari orutu rwo pendje no horomende mo 2006 okuraisa po rwara kutja Ovaherero nOvakwena vasere okusutua.