Omongua Mautara Momahongero

0
10

I Kuvee Kangueehi OTJOMUISE Otjiwana tja Mongua tja zikamisa orutu rounepo utano okutara mouzeu wo vahongua morukondua. Otjimbumba ihi tja sembamisirwe Omandaha po mbongarero kombunda yo maunguriro omangundi wovahongua mo ma rorero wombura ndjazuko wondondo oitja murongo, ndjiri ohambondatu meraka ekuru. Orata yOkarukondua kOmatoororero ka Mongua, Ervin Uanguta, watjere ombonagrero indji ya isanenwe iyo mitanda morukondua. Patierue kutja otjimbumba ihi matji ryangere otuveze atuhe tuo mahongero mOkarukondua okununuga nawa omazeu ngeremanisa omaunguriro omawa wovahongwa. Matji undjirwa okuhakaena no vahongwa, ozomitiri, ovyuru novirata. Uanguta watjere omaunguriro wovahongwa yari omakendise rukwao. Pendje noskole indji o Mokaleng, ovahongwa pu vaungurire nawa kombanda yo 60%, ozoskole zarwe zatuurungirise ovahongwa kehi yo 50%. Watjere o Rietquelle yaungurire oungundi po mbura ndjazuko ovahongwa mba tuurungire tji veri kehi yo 50%. Kaa yenene okuraisa kutja oumba uripi posyo araisa kutja okuhina omeriyandjero ko zomitiri itjimwe tjovinenge mbitjita kutja ovahongwa ave haungura nawa. Watja wayendekera kutja ozomitiri tjiva kombanda zekambura okuhonga otjo tjiungura tjoruveze ohinga nu tjinene zeyandja ombango koututa. “Povikando peke peke mba yendekera ozomitiri azaisa ovahongwa kuwo oveni nazei kozoyao okukatara ovinamwinyo vyazo.” Wawezere ko kutja povikando tjiva ozomitiri ze tuaerera ovahongwa kozoyao oku keveungurisa ovinamwinyo vyazo. “Pendje no vahongwa okuakara norupa movitjtua tjimuna omayando poo ombatasaneno yomahungi, tjandje mavenjosa ovinamwinyo vyo zomitiri zao omiriro.” Orata yatjere tjinene ihi tjitjitua tjikuna omarandisiro ozomitiri tjizehena noruveze irungi azekara mokurandisa ovianmwinyo vyazo poo azekakara po marandisiro uriri. Uanguta watjere oruveze rwahoro ovirata vyo zoskole peke peke mOkarukondua okuuta okutara motjina ihi noutue nokuronga ovakatuke. “Ounepo wovirata wasere okukara no u pupurukwe okupura ozomitiri kutja mazeungura tjike pendje noskole ozoiri zoskole.”