Haingura Ana Fundu

0
20

Muna politika Petrina Haingura kava muhorowere akare hamutjanga gombunga zovagolikadi woSWAPO konyima tupu apa kafundire ogu gakeremo nare Eunice Ipinge. Haingura kagwene mazwi 244, mokongress ezi kazi kere zoutano zovagolikadi woSWAPO, ano siruwo ose Iipinge kagwene mazwi 188,mokongress ezi kazi kere modoropa zaRundu mosikondo vike. Nampili ngomu asi ana fundu Haingura, age kayimwene asi yina gendi nawa. Kongress ezi kava zitjangwilire asi kazi wepe omu kava kondjerere mavango. Apa kazitamekere congress ezi moutano, Iipinge kakere ana hafa morwa nomukunda horoworo ntambali mwediMurongo nantatu kadi mutu mbwidilire asi tadi kamuhorowora. Ngomu kalimo gwanare age kamonekere asi kagwene makwatesoko konomukunda ngwendi Khomas, Caprivi, Ohangwena, Oshikoto, Karas, Erongo na Oshana. Simpe kayimonekere asi Iipinge kuvhura kugwana makwatesoko kovantu vamwe vomoKavango, Karas na Hardap. Mpito za Haingura zokumuvatera kazikere tupu ko vantu wokutunda ko Omusati, Kavango naKunene nomu ana kumoneka pefano hawe gomununu. Ano tupu kaya sikire mo Rundu noupolotika ou gadiva nare ana tameke kugwanekera novantu wokutunda konomukunda, hawe nonkwami da Iipinge nare vana piyagana nomazwi kwakulihora. Ministera gehetakano nefiro sinka vanona Marlene Mungunda na nguuru gomukunda Hardap, Katrina Hanse ava kava kere nomukumo gokutjindja vantu kava tundire koHardap na Karas vahorowore Haingura, vatunde kegano lyokuhorowora Iipinge Angelika Muharukua ministeragona gwa Mungunda kahundilire vantu kava tundire ko Okunene vahorowore Haingura. Ano siruwo ose ministera goyipangura Pendukeni Iivula Ithana na nguuru gwa Khomas Sofia Shaningwa kavakere tava gwanekere novantu wokutunda ko Omusati na Khomas. Ano mukunda nye ogu kaguya dipagere mukumo gwa Iipinge kagukere Caprivi konovili tupu dongandi. Mukunda ogu kagukere asi Ellen Musialela kwatokora kovatera Iipinge morwa Musialela kapi tavhuru kuvatera Haingura ogu ana kuvatera Ithana. Vamwe kava tundire koCaprivi kava tente asi Musialela kuna kupa unzoni Ithana asi yige gamuninkisire azumbanese evango lyendi asi hamutjanga govagolikadi wo SWAPO, yipo asi age nokulipakererasi mokamba za Petrina. Nampili ngoso vamwe vawo kovazire komeho nokuvatera haingura, konyima tupu apa kaya vagwene Doreen Sioka nage kwatunda ko Caprivi ogu kakere asi kuna hamene mokamba za Haingura. Momapeu congress kazi kere zina ligaunuka pavali Nombunga nadinye mbali kadi kere dina ligaunuka pavali Nombunga nadinye mbali kadi kere dina kara nomadina aga vana turapo asi yiwo ngano navakara yilyo yokomitiye zontjima – ntjima zombunga zoSWAPO zovagolikadi. Madina gava wokukwama Iipinge na Linea Shaetonhodi, kappa kere Netumbo Nandi Ndaitwah, Michaela Hubshle, Lucia Hamutenya, Ndahafa Nghifindaka na Clara Bohitile, owo yiwo kava kere keguru. Ano vakwawo kava kere Loine Kandume Geigos, Rosalia Nghidinwa, Haingura, Muharukua, Iivula Iithana, Doreen Sioka, Marlene Mungunda na Loide Kasingo. Nmpili sivaro sovantu ava kava wizire kokongress ezi kaziretere sikoda koyitundwamo. VaOmusati ava vatumbwire Haingura kavakere novantu wovanzi 53 ano Kavango ezi kazikere asi evango lyaHaingura awo kavakere tupu 41. Mokukwamanye marwemeno gomokahore hore congress kazi genderepo nawa, kakere kokuvarura mazwi eyi kayi gusire siruwo sosire. Kutunda tupu apa vantu kavanyokere nomahina edi hambara vayaruganese kokuhorowona awo yiyo kava tengwire kweyi vayika yoyimbapira. Kayigusire konyara novili muronga vakamane kuvarura. Shaetonhodi kavamutengwidilire mevango lyendi lyanare lyouhamutjangagona gombunga ezi. Ntani sinzi sovantu ava kavakere asi pelikwamo lyaHaingura kavagwene mavango mokomitiye zontjima-ntjima zombunga ezi. Eyi yina kumoneka asi hamutjanga ogu gomupe anakara nomukumo. Ndaitwah kagwene mazwi gomanzi yiyo ana kumukwama Pendukeni. Kongress kazihorowere vagolikadi ava ngava kara mokomitiye zontjima-ntjima zo vagolikadi wo SWAPO. Awo vava vana kukwamako. 1. Netumbo Nandi Ndaitwah 276 2. Pendukeni Iivula 265 3. Petrina Haingura 254 4. Rosalia Nghidinwa 235 5. Loide Kasingo 234 6. Loine Geigos 232 7. Linea Shaetonhodi 222 8. Michaela Hubshcle 199 9. Doreen Sioka 195 10. Muetulamba Haipinge 188 11. Kauna Nashandi 186 12.Selma Gases-Angombe 185 13.Lucia Amutenya 184 14. Marlene Mungunda 184 15. Margreth Mensah-Williams 183 16. Ruth Ntinda 179 17. Hileni Iilonga 174 18. Angelika Muharukua 172 19. Mildred Jantjie 159 20. Ndahafa Nghifindaka 172 21. Clara Bohitila 156 22. Rebeka Kalola 147 23. Emilia Amupewa 146 24. Lucia Basson 146 25. Venika Naingwendje 146 26. Helena Tonata Shipena 145 27. Laura Mcleod 144 28. Ruusa Kayoo 134 29. Sylvia Shuumbwa 135 30. Liina Namupala 134 31. Rosalia Sibiya 134 32. Hilda Haipinge 133 33. Canner Kalimba 129 34. Susan Nghidinwa 129

SHARE
Previous articleLife Too Hectic? You Need Balance
Next articleRoad Horror