Vamitili Tava Dana Ezuva Lyawo

0
8

Ezuva lyouzuni lyovamitili,kuna kulitjangurura asi ezuva lyawo eli vana kulipakerera kumwe novakwawo vadane ezuva eli uzuni naunye,moNamibia gavalidana unene po moVenduka. Elikwamo noyiviyauka nayinye yezuva olyo kayigeve nkera munasipundi gwaNANTU Harold Binda momukunda gwaKhomas kovanambudi.Ano vamitili nye ava vahamena kombunga zaTUN, kapi kava kerepo nkera pegawo mbudi ezi,eyi kayihorokerere pomberewa zaNANTU moKatutura.Ose kuna kulizuva asi mbunga zetu kuna ziruganesa ndi asi kuna kuziruganesa momudona asi morwa ezuva eli tuna lipakerere naTUN, hawe ose narumwesi kuruganena kumwe naTUN. Nampili ngoso ose kwalikara ure unene naNANTU yimo ana kutanta presidente gona gwaTUN Chanville Mackrill,apa tuna mugwana akumburureko.Age simpe katente asi eyi kapi yina silike vamitili vahamena kwaTUN,ngomundinda asi apire kuza kosigongi esi ana kutulisapo NANTU vadane ezuva eli lyovamitili. Ose ngombunga ezi zakarerapo vamitili vadiva hena yirugana yawo,tuna hepa kukalipakerera navavahara erongo tudane ezuva eli moune waneyina Ezuva eli kuna kulidana nositurapo asi Vamitili womulyo nerongo lyomulyo. Mokukwama Binda ministera gerongo Nangolo Mbumba ngaya gava siuyungwa sendi ezuva olyo,silika esi ngasi karera posure zaEldorado morukanda rwaKomasdal.Morwa erongikido kuna kara lyewa yipo tuna kumona asi kapi tayiwapa kusigako vamitili vamwe,unene vavavana kara momukunda gwaKhomas. Yipo asi tuna lipakerere kumwe naTUN turongikide ezuva eli.Euva eli kuna lirongikida ngesi vamitili ngava tameka kulyatera kutunda konzugo zoyipangura zaKatutura vayuke kosure ezi ngava kapongera,nokutameka nelikwamo eli vana rongikida lyonovili mbali. Yimo ana kutanta Binda.Megano lyendi ezuva eli kuna kulidana nokutarurura mukaro gwerongo mosirongo rambangako nomouzuni. Ose kuna kundindira vamitili wokusika ko 700,asi ngano yiwo ngavayakarapo pepongo eli womoKhomas awo hena wokonombunga edi mbali. Nombunga dokudimba doponosure dokulisiga siga nare vaditumina nombapira dezigido yipo ngavaya tovareke elikwamo,yimo simpe ana kutanta Binda.Pokuhulisa age simpe katente asi NANTU yipo ngagava yitundwamo yendi mokuhamena maumbondo nomakuye aga ava mukandwire wonombunga dokulisiga-siga nedi dakara asi kapi vadidiva mosirongo.