Udf Kuna Kutara Upolitika Womokhorixas

0
13

Mbunga politika za UNITED DEMOCRATIC FRONT kazitarwilire upolitika moKhorixas apa kava tulire sigongi sawo sano mutayi momukunda gwina.Awo kavatulire sigongi sina vatare asi nani upolitika ngapi una kara.Situmburwa sawo esi kava geve kuna kara asi konyara vantu woku sika ko102 yiwo kava kerepo posigongi esi. Muuyungi gomu nene kakere presidente gombunga zina age hena hompa govadamara Justus Garoeb ogu kauyungire yokuhamena mulyo gokukara epangero lyonombunga politika dokulipakerera.Ano omu mwetu nsene asi kapi tuna kuligwa kumwe nokutara asi nombunga politika nado dikare dina lituramo dirwanese umbondo owu vana kurugana vantu mepangero ngoso ose nayimwesi tuna kurugana, yimo ana kutanta Garoeb ngoso. Mukurona godoropa za Khorixas Mathews Tsaeb metumburo lyendi lyokutambura vagenda katente asi UDF gazerura sivaro sovantu vendi mombongarero zanavenye vatunde povantu vavali vaze kwava tatu ano ngosikwawo hena monondango dodoropa.Tseaeb kahundilire vahameni vawo varugane unene yipo apa naga wiza mahoroworo hawe awo vana liwapayikire yipo vakafunde mahoroworo gana kuwiza mo2009/10.Epongo lyawo eli kuna retamo etokoro asi vakurona wonodoropa vavakute moyirugana oyo yipo vasikisemo yirugana eyi yava tumbukira. Mbunga ezi kazi tente asi mulirongi gomunene Gerhard Totmeyer ntani epongo lyovakurona wonodoropa eli kali kakarerere moOngwediva kava kageve egano lyangesi asi ngano lize moyirugana.Awo simpe kava tokwere asi nongendeseso nadinye vahepa kudikwama yipo asi apa ngava katura egano eli moyirugana kwato hena kutanta asi yongandi kwato.Tsaeb kahundilire vahameni vawo asi vatunge momuwa vagave sihonena mokufuta nomukuli dawo domema norutjeno yipo ekuliko ligendepo nawa modoropa. S.I.!Huise !Gobs kansela gomukunda horowero gwa Khorixas kafatwilire momunene mulyo vantu valituremo mwankenye sihorokwa sosiwa yipo vakulike udemokoli mosirongo.Nsene asi vantu ndi asi nkarapamwe kapi zina kulihameseramo tudivareni kuuyunga ekuliko yimo ana kuhundira ngoso vantu vawo vayirugane.