Ombimbi, Ondoro Mavyutu Otjiungura

0
11

I Kae Matundu-Tjiparuro OTJOMUISE Otjiungura tjombakero yOmbara Omuyaruke David Tuvahi Kambazembi matjiutu ndinondi mombari yomutenya mOkakarara pOnguatjindu nozombimbi, ondoro nonderera yopehi no yokoukambe. Moine yomapeta otja korutuu ovyungura otji mavipatururwa nongumbiro tjazumba apekongorere omahungi okuza kovira vyopolotika peke peke nu kuwo akuhondjo ovahona peke peke. Ovyungura ndinondi otja korutuu mavipatra ape mo murongo naimwe yongurova nu mavaseinina okuhungira ozokomiti zotjitiro otjindjandja no vana zombinika kangamwa. Muhuka, ndiri Orovyungura ovimbumba mavyutu okuworongana mohinga yo hamboumwe yo muhuka omunene nu momasa wohambombari avyutu neimburiro rehi. Movahungire muhuka muna ozombara peke peke, omukuramene po wohoromende, ongooneya yOrukondua rwa Tjozondjupa nawina Omutize wOtjihuro tja Lephalela ko South Africa Ombara Kambazembi kakawirire, Oserekaze Mogotlane. Momasa wo imwe ovimbumba otji mavisekama okuyenda kOndundu ya Tjozondjupa nu ape mombari ombakero aitjitua.