Mberewa Zoanti Corruption Commission Tava Zihomokere

0
13

Vawidi sivike seesi kavahomokerere mberewa zoACC,awo kavagwene tupu komputa makura sidiviso esi vaturamo sokurondora tasitakuma ano vawidi owo yiyo kavadukire.Vawidi ava kavawizire komberewa ezi ngurangura zomandaha povili zautatu,venya mberewa kavakere nerago morwa kwato nawa-nawa eyi kavaveke vawidi ava. Sidiviso kasi pukwilire vakungi wokulikarera eyi kayininkisire vawidi vaduke.Varugani ndi asi vaporosi vamuni nawo kapi kavalikatakatere nare vanayalipakerere mokukwama munona gendesi mberewa ezi muhahende Erna van der Merwe.Van derMerwe ogu kakere asi murugani kakahovere kusika komberewa ezi kapandwire vakungi ava wonomberewa wdi mbali eyi katjangwilire asi yirugana yoyiwa. Age poopo yipo katanterereko mukurona gomberewa zawo gekuto Paulus Kalomho Noa.Noa poopo yiyo katanterereko mukurona govaporosi Sebastiaan Ndeitunga ogu katumine vaporosi vayakunge evango eli nalinye.Vawidi ava kuna kuretera vantu vadive asi kwato evango eli vatjira.Valingilingi ava kavazire tupu nepakote lyokutura komputa noyikasete yokukwatera nsene koyili eyi ono tjanga ntani sesi asi monekesa eyi ono tjanga.Sinzi sovantu kavagazarere asi vawidi ava kuna hara kuvaka nombapira edi dakara nonombudi edi naditwaredera ndi dina kuvatera eyi vana kukonakona womberewa ezi.Ano van der Merwe age asi hawe nayipanga sitambo sawo peke.Ame kapi nina kuyigazara asi awo kuna kupapara nombudi edi tuna kara nado. Nsene asi yiyo vana kugazara morwa sinke vana pilire kuzamonomberewa omu mwakara nombapira ndi asi vaguse nokomputa edi dakara nombudi odo?Age kapere mukumo vantu asi gwahavapwaga kwato yomulyo eyi vana vaka ntudi zoozo tupu komputa zimwe azo hena mwato nombudi domulyo.Ose twahepa kulimona nyamwetu asin vanerago. Yininke ngano kayihorokere namo peke ngano asi kapi kappa kere vakungi kavagenderere kuwiza.Mokutaranye sihorokwa esi nonkambadaro vaditurapo ntudi ngesi tava gwederereko vakungi vamwe.Eyi yina kumoneka asi vakungi ava vahepa kuvatura vakunge mberewa ezi novili nadinye masiku nomutenya,eyi kayitamekere nare.Mberewa ezi zo ACC,kuna karapo tupu makwedi ntazimwe apa pontunda zevhu.Awo sinkwa ntani tupu kavatundire mevango lyokuheheda mekuma lyaFrans Indongo vaze kweli kava katezere ko 5, Johann Albreccht street ko Windhoek west komberewa zawo zope..

SHARE
Previous articleCoach Raises the Stakes
Next articleA Cry from the South