Ovandu o 22 Vato Polio

0
9

OTJOMUISE Ozondiro zomutjise wopolio nai mbwahandjuka mehi arihe zatjiti otjivaro tjo 22 okuza ko 17. Omutjangerepo Omuka-rerere wo Ministeri yOuve-ruke nOnduno yOtjiwana, Onganga Kalumbi Shangula, wa zeuparisire nao mehungi re kuna o Nampa Oritjatatu. Watjere kundinondi motu-kondua atuhe tuehi o 13 ko mauhonapare wouveruke kwatjivisiwa omaum-ba o 88 ngumaye tataimbwa kutja omutjise imbwi. Motjihuro ohongora mwatjivisirwe omaumba o 89 nu mOsha-kati o 38. Motjivaro ihi mwata ovandu o 22 nu o 78 aveisiwa iyo zonamiti. Posyo Shangula waraisire kutja o Ministeri ye ngunda kaiya zikamisa kutja omutjise imbwi weya vi mehi nungwari ozongon-dononeno zo kuuteza kuwaza zauta. “Opolio yamunikwa ozombura mbari ndakapita mo Tjauana na Angola nu nambano oyondji yeya mehi retu munao moruveze indui otjeri ouzeu okuhana kutja wazapi mena rokutja osaneno yawo kangwatera. Mauhakerwa mokuza ko India,” watjere. Waningire ovandu oku-hina kuuruma mena rokutja ohoromende inomikambo mbiyatoora okuutjurura. Watjere omata yarwe yamu-nikire kutja orukosi orutja-vari romahavarisiro womata mouparanga wehi arihe ndu marukara tjiyeri 8 nganduu 20 komweze imbwi, rurire ondoneno. Otjiveke tjitja-zuko omata yarwe omangete o 2,86 yaherukire motjihuro ohongora okuza korutu rouye rombwiro yovanatje motji-huro ohongora tjehi indi o Denmarka, o Copenhagen. Shangula wina wa tjivisire kutja otuveze atuhe tuturi mozombokoto makuvazewa notuheranyungu, omatemba worupa rondjururiro na ngenana kuyeine kutja omata inga yevaze moruveze. Watjere ovandu avehe kumwe o 2,188,487 vamuna omata morukosi orutenga nderi 100%. O Ministeri ye yatoora orukosi orutue roku-honga ovature ohepero you-kohoke. Wape ovature on-dunge yo kukoha ovikurya, tjinene nene ovihape ngunda ave hiyevirya kutja vepenge okutoora omutjise imbwi mbuhonina omundu no maremaneno wozombwini, okwiihamwa otjiuru, oku-kotora netambo. Ngunda aperi nao Shan-gula wahivi ovature koku-vatera ohoromende noma-temba morukosi orutenga. Watjere ouharupu inbwi watjitire kutja o Ministeri ye ivaze oviwana avihe oupupu. Watjere orukosi orutjavari tjingetjo rwayakurwa noma-sa iyovature mberi kamwaha okuyandja ohambwarakana nokuvatera novitoore.