Ovanaudikotjo Vatanda Okuraisa Omitjemo Mapene

0
12

Kaveyakowa Neziriro I Petronella Sibeene OTJOMUISE Ovanau-dikotjo mavetanda okuyenda mapene komaturiro wotjiuru tjehi kombunda yeziriro ro Ministera Ondenga mOtji-rata tjo Tjiwana Oritjavari mapeta kutja kondjemeno yao mapeya akuya eziriro moviveke vitatu uriri. Tjangundire amayandja eziriro korutuu romitjemo rovanaundikotjo nduayand-jerwe ape otjiveke tjitjakapita nu muvaningirire kutja Oveta yOmavinu nga ingunda ama ikurama, Nahas Angula, watjere “Eziriro mariyenene okumunikwa uriri moure woviveke vitau okuzamba”. Kombunda yomaraisiro wa Angula inga Otjiuru tjehika rovanaundikotjo, o Namibia Shebeen Association (Nasa), Veripi Kandenge, wa yauza kutja otja tjivayanisa rukuru ovanaundikotjo nai mbehina otutuu tuousemba ngunda mberi kotukondua tuao kangamwa oruveze ma-veundjirwa okutoora otund-jito okuya kotjihuro ohon-gora.”Vaharere okukawondja mapene rukuru okuyenda komaturiro wotjiuru posyo atuvetjayere. Otjikando ihi katuna okutjita nao,” umwe wovanane vao, Gideon Ausiku, watja. Mehungi re Angula wai-taverere omaundjiro ngeri motjiwana kutja ohoromende itare kondjuriro yo vanau-dikotjo. Okwiisira konyun-gunyungu ndjiripo nai ohunga noundikotjo ohoro-mende kaina ondando yoku-vetoorera omikambo tjimuna ovandu tjiva otja tjimave-munu. Watja oruveze ootjina otjinene ku kwasere okuta-rewa. “Ouzeu nai oruveze. Okupwisa oveta otjiungura tjitjihepa omatiasaneno pozondondondo peke peke .” Angula mena ra nao otjaya-rukire no merihekeneno wotjiurtu tjehi ko vanaundi-kotjo mbatona ozondanda pendje nOndjuwo yOzoveta okuyaruka kozonganda zao ngunda okomiti yOndjuwo yOzoveta yOvitjitua vyOve-ta nOngundeveta a maitara motjina ihi. “Matukambura kutja otjina ihi moure wovi-veke vitatu tjandje tjeya koupwe. Moure woviveke vitatu ohoromende maiya nomazengururiro omaun-gure. Munao ohoromende otjiyasere okupewa oruveze kutja ipahe ondunge ombwa otjate ku avehe,” Angula watjere. Nandarire kutja kapena kemwe kounepo wondjuwo indji kena ouzeu nombutiro yOveta indji, otjirame okwiitua mo maun-guriro. Angula wa raerere ond-juwo indji kutja ounepo wayo mbari norupa mon-dungiro yayo vazemba okuripurira komatuiiro wayo mo maunguriro. Ihi ndinondi otji tjayeta ouzeu mburipo. “Matuningire ondjesiro kouzeu kangamwa mbwaka-rapo,” watjere. Mena rokutja orupa rotji-wana runa ouzeu noveta indji, Omuhaamise wOtjirata tjo Tjiwana, Theo-Ben Gurirab, ngwayakura orutuu romitjemo indui, momautiro wotjihungiriro watjere Om-bongarero yOzoministera yeripura okuzikamisa oko-miti ombumbwanga mumu-na ozoministeri no vakura-menepo vo Nasa. “Ndoo-vazu avihe vyakawondja mohange no kuhungira kumwe nombango ya ka-tjotjiri, omauzeu mayezen-gururwa korutjato rwa auhe,” Gurirab watjere. Pendje nounepo wond-juwo indji ovanaundikotjo ape o 20 vapuratenene otji-hungiriro ihi nomaundjiro wokutja nani pena ngu-masekama natja oundikotjo wao mbwapatua ngaupatu-rurwe ngunda amaveundju omazengururiro. Posyo epu indi rahungiririrwe moru-kondua orutjavari tjikwa-sewa oruveze orutiti ondju-wo indji okupata keyuva indo. Kombunda yehungi ra Angula, Kandenge watja:” Ouzeu wetu kavena kuumu-na. Matukaenda komurungu nomaraisiro womitjemo. Matuiisana imba mberi komanene wehi.” Omandaha Kandenge wari aa raisa kutja ovitoore komanene wehi vyari kovitonge okuyeta ovandu kotjihuro ohongora okukaondjisa omaraisiro womitjemo komurungu Ombongarero yOzominis-tera tjii hevepere eziriro etjate. Ngunda aperi nao epu indi wina reere komurungu wOmbongarero yOzomi-nistera Oritjavari. O Minis-tera yOndjivisiro Nomapit-siro kOmbepo, Netumbo Nandi-Ndaitwah, morutuu kozombuze waraisire kutja ombongarero indji yayauzire ongurameno yayo kutja omarandisiro womavinu yasere okukaenda otja kOveta yOmavinu yo 1998. Komurungu Ombonagrero indji maitoko ovanaundi-kotjo okuhandjaura ovivava vyao kutja ave hapandere nokuhina pokurandisa oma-vinu uriri. Ngunda aperi nao, Ndaitwah waweza ko natja ohoromende mayiun-gura oukukutu okupaha omyano vyokuserura oma-tuiiro momaungurio wOveta indji.