Ovaherero Vato Kutaviza Komihoko Omikutasane

0
17

I Kae Matundu-Tjiparuro OTJOMUISE Ovanane vOvaherero mbehiyaze-mburukwa kotjiveta iyo-horomende kehi yOuvara wOmbazu wo Tjikaoko vahindi orutuu rondjemeno kOmihoko Omikutasane mumaveraisa ouzeu wao notjingi tjovanane vomuho-ko tjitji hiyazemburukwa kotjiveta iyohoromende ya Namibia. Orutuu indui ndua tuwako ominwe kembo iyozombara Paulus Tjavara na John Tji-kuua, rwatjangwa ko Mutja-ngerepo wOkombanda wo-rutu indui, Kofi Annan. Vemuningire kutja merihau-ndjaure mounepo auhe wOmihoko Omikutasane. Wina otjiherengururwa tjaro rwahindua kovyuru imbi: George Bush wo Mahi Oma-kutasane wa America, Toney Blair wa Britain, Jacques Xchirac wehi rOvafransose na Angela Merkel wehi rOvandoitji. “Maturiyarikana kOmihoko Omikutasane mbyari omipangurure vyongutukiro ya Namibia nawina ounepo utano worutu oruhakaenise rokongu-rova…….. Katuna okuvanga okumuna eyuva rimwe otu-mbo tuovataure motupa tua Namibia mena rokutja ohu-mbo yomundu ikarako oru-veze rumwe uriri tjazumba atja opuwo. Ohepero kutja petjitue otjina ngunda atuhi-yavaza ondurumo indjo,” orutuu marutja. Tjaraisa ondando yorutuu indui kozombuze pombonga-rero yazo erero, Tjikuua watja kavena vatjiua kutja tjapo eyuva indi ovo tjima vetaviza kOmihoko Omuta-sane, maariya mo Namibia ongutuke ozombura 16 ko-mbunda yongutukiro. “Po-syo ohoromende yo Swapo yetuundurire kokutoora omukambo imbwi mbuhina watoorerwe. Katuna omwa-no warwe pendje yokutuara ondjuriro yetu kotjiwana tjouye,” Tjikuua watja. “Ohoromende yo Swapo yo Repablika ya Namibia inyanda etako ropolotika nounane wombazu wOva-herero. Otjingi tjovanane vOvaherero vombazu ngun-da kave yazemburukwa otja kOveta yOuhonapare wOm-bazu yo 1975……… ozombura 16 kombunda yongutukiro.” Watja o Namibia ehi rao ekwatera novo kanaa veya-ndjere omahumbiro omahina ndjandero wohoromende yo Swapo.Watja pakara ozon-gondjero peke peke kuna ohoromende mumuna ovi-hungiriro kuna ozoministera nandarire o Ministera yOma-nane wOtukondua nOzo-ngomainde, Omayandjero wOmara nOmekurisiro wOkozombanda ndjiripo nai. Ozongondjero inda zaanda monyee nganda otjina ihi atjivaza otjombanguriro tji-tjaraa kutja o Ministeri indji itare momazemburukiro wOvanane vOvaherero. “O Ministeri irangaranga kotjo-mbanguriro, ” Tjikuua watja naweza ko kutja ongaro indjo ondjeveyeta puveri ndinondi. Watja ohoromende ngamba kaiyayandja epu kwii haze-mburukire ovanane vOva-herero. Tjivezuva okutja pena ovanane vozondjuwo ndano zouvara nohoromende ombwii zemburuka kaina kuzemburuka ovanane varwe. Omuhungirirepo wo Mi-nisteri yOmananeno wOtu-kondua, Frans Nghitila, ma-tja, movanane vombazu vOvaherero 0 46 mbatuarere ohoromende kotjomba-nguriro kapeya kara umwe watjita omaningiriro ko Ministeri kokuzemburukwa kombunda yeraa ra Tjomba-nguriro. Watja pendje no ma-ningiriro waumwe wo va-nane va Kaoko nai ngeri mo-maunguriro. Watja ovanane nandarire mbazemburukirwe mouhuura vasere okutjita omaningiriro tja kOveta om-be nu kapena omunane ngu-zemburukwa no kuhina oma-ningiriro. Kotjiriro puna Tjikuua po-mbongarero yozombuze pari Ombara ya Kaoko, Tja-vara, Ombara ya Okarivuzu mo Kaoko, Frans Tjauira, otjiuru tja Tanga, Katjambia Tjambi-ru nOrata Ngauva Kazongo-minja. Wina ombongarero indji yananenene ombango yorupa rwetambo nomeho wotjiwana Katuutire Kaura, Rudolph Kamburona na McHenry Venaani, muvarwe ovengi.