Otukosi Tuomata wo Polio Matuutu 21 ku Ngarano

0
14

OTJOMUISE O Ministeri yOuveruke nOndumbo yOtjiwana yatie otukosi tuomayanjdero womata womutjise wo polio mbwatambukire mo Namibia ape oviveke vivai mbya zuko.Orukosi orutenga maruutu Oritjatatu ndimariyende omayuva tjiyeri 21 komwweze imbwi,Ngarano, nganduu Oritjatano rotjiveke tjimatjiyende tjiyeri 23 komweze imbwi. Auhe omukwatera wa Namibia wasere okuhara eta indi. Orukosi orutjavari ruri omayuva tjiyeri o 18 komweze mbumaiyende mburi Suramazeva Oritjavari nganduu Oritjaine omayuva tjiyeri o 20 komweze tjingewo. Wina kangamwa omukwatera wa Namibia wasere okuhavara eta indi rukwao.Orukosi orutjatatu nduri momayuva tjiyeri 20-24 ku Katjose, okuza mOsondaha ndanduu ko Ritjaine orovanatje vokehi yozombura ndano uriri. Ndoovazu nai pena ovitjitua yokupa otjiwana eta indi oohonapare maungingire kutja viisiwe tjimanga mena rokutja mavikunu ongurunguse nemuma nu wina mavitombo omaunguriro omawa wovitjitua vyomayandjero weta iyo Ministeri yOuveruke nai mbiri mondiero.Ovikaneno vyomtujise imbwi kutja maukuhonine okwiihamwa etambo, ouzeu mosengo poo omwihamo muyo, okwiihamwa otjiuru, oupyu morutu, ouzeu mokukaowondja nokwiihamwa ozombwini. Omayuva tjiyakarira yetano kombunda yokurimunu tjimwe poo vivari vyovikaneno imbi mo utu okurimuna oungundipare momarama, ouremane mo marama, oungundipare womaoko nokara nouzeu okusuvana. Opolio ihwangwa okuza komundu umwe okuyenda kuwarwe momwano imbwi: – Iyombondi yomundu ngunopolio momundu warwe nguhinayo. – Ndoovazu ombondi indji yawire momeva okutja omeva inga mayehara ondui yopolio nu munai aikapitire moveva kovandu varwe. Opolio kaipangwa. Kaina omuti. Ovandu vovinepo mbyaremana ngave vatererwe peke nu omuuhamo vyao maviyenene okupupaparisiwa noupyu womuku. Mavevaterwa okusuvana nozombepo ozovatere zokusuvana. Omikambo mbiwasere okutoora kutja ohatoora ondui yopolio: – Koha omake woye oruveze aruhe tjiwazu no kuungurisa okaruwo ngunda auhiyarya poo auhiyatuna kovukyrya; – Koha noku tereka nawa ovukurya avihe tjimuna ovihape novikunwa ngunda auhiye virya; – Ndoovazu omeva pona puuri yeza kozomburo nduuhina mo ongamburiro nawa ripurira kokuyetereka ngunda auhiye yenwa; nu – Opolio maiynene okutjururwa nomata ngehirwa. Mena romatambukiro wayo mo Namibia nai ohepero onguungurisa eta ndimaryungurisiwa iyomundu umwe pendje nomata yovandu ovengi. O Ministeri yOuveruke yahupike ondjeverero yayo yomutjise imbwi mouparanga wehi nokuhoza, okuhorora nokukondonona kangamwa apehe puma pemunika ayo pena omutjise imbwi. Otjiwana matjingirwa okukwambera ko ouhonapare wouveruke wopopezu kangamwa omundu tjimnaga ngumeri munu oungundipare momaoko nomarama nanguna ouzeu okusuvana. Tjimohepa ondjivisiro yo komurungu hakaena tona kovahendendu imba po Ministeri yOuveruke Nondumbo yOtjiwana: Omuyozikwa G. Kamboo -(061) 203-2782 Omutengwa S.S. Mungambulwa-(016) 203-2781 Omuyozikwa D. Kambinda- (061) 203-2785