Opolio Oyo Ya Eta Eso lyAantu Yaheyali

0
8

WINDHOEK Omukithi ngoka gwa kala tagu limbi-like nogwa dhipaga nale aantu yaheyali nokukwata 34 otaku tiwa opolio, osho Uu-ministeli wUukalinawa nIi-longa yOnkalonawa yOshig-wana wa tseyitha. Iizemo yomakonakono gwotango ngoka ga ningwa nokutumwa koolaboratoli koSouth Africa otaga ulike kutya omukithi ngoka tagu etitha enkundipalo enene nuulema womagulu ogo opo-lio, osho Amushanga Omu-kuluntu mUuministeli wUu-haku, Kalumbi Shangula ta ti. Shi nasha nomukithi ngu-ka opo gwa tukuka unene maakuluntu, aantu ayehe mboka ye li meni lyaNami-bia otaya ka tuntilwa kom-buto yomukithi nguka. Omuvu gwotango ngoka a kwatwa komukithi nguka okuza koAranos nokwa li a taambelwa mombete yoshi-pangelo moKatutura eti 10 Mai. Konima yomasiku 28 iiponga yomukithi nguka yi li 38 oya lopotwa, ihe aavu yane oya kuthwa mo momu-sholondondo oshoka omako-nakono gawo otaga ulike omikithi dhilwe. Aantu ya-tatno oya sila moshipangelo omanga yaali ya hulithila mondjila okuya koshipa-ngelo, omuntu gumwe okwa lalekwa nale. Nonando uuministeli petameko okwa li ashike wa hala okutuntila aanona ye li kohi yoomvula ntano, ihe omukithi nguka otagu end-elele, nosha pumbiwa oku-tuntila aakalimo ayehe oomi-liyuna mbali moNamibia komukithi gopolio mbala ngele uuministeli wa pya-kudhukwa paenzo dhawo. “Uuministeli otau ka tameka nepashulo lyoshigwana ne-tuntilo. Oshikondo shIilonga yOmeulumompumbwe moNamibia nOkomitiye yEungauko otayi ka longe-kidha iikonga mbika, omiti, iiyakulitho naanambelewa,” Shangula ta ti. Elalakano enene okweendelela po etuntilo ndika mbala ngaashi tashi vulika. Molwaashoka omuyalu gomiti dhetuntilo odhindji uuministeli otau kongo omakwathelo okuza kaayambidhidhi yawo oku-tsakanitha omuyalu gwaantu ye na okutuntilwa. Ombuto yomukithi gopo-lio ohayi yi molutu okupitila mokana okuza miikaha mby-oka ya kwatwa okuza mony-ata yomuntu ngoka e na omu-kithi nguka. Kape na omuti sigo oompaka gokupanga nawa omandhindhiliko go-mukithi nguka, Shangula ta ti. Ombuto yopolio ohayi kala momuligu nomandja-ndja gaantu mboka ye na omukithi. Iilongitho ngaashi uusindo, iiyuma yokulilwa otayi vulu wo okutaandeleka ombuto. Sigo oompaka omukithi otagu adhika miitopolwa mbika; Khomas, Hardap mOtjozondjupa, omanga moKatutura mwa lopotwa iiponga oyindji yaantu yoo-mvula okuza 5 sigo 76. Omandhindhiliko gomukithi oga kwatela mo uuvu wenku-ndipalo lyomasipa, omagulu, uulema womasipa, okufudha nuudhigu, okwaavula ok-weenda, uuwehame montulo, eshikisha nomukolo, othingo ya kukuta, epwatuko lyo-mutse nomvulwe. Omalukanda moka tamu zi unene aantu mboka ye na omukithi nguka ongaashi; Ombili, Havanna, One Nation, Babilon, Single Quarters, ondingandinga yaKatutura, Okahandja nOtjiwarongo. Aanambelewa yuunamiti otaya ti nonando aavu yo-tango mboka ya monika omukithi nguka oye li na-tango momwenyo, oshi li os-hidhigu okukonga omauye-lele ga gwedhwa po oku-mona mpoka tapu zi omu-kithi, oshoka aavu oye li monkalo ombwinayi ye li komipepo dhokufudhitha. Oonkatu dhoka dha ka-tukwa sigo oompaka kuu-ministeli, okwiikalekela aavu ayehe nokungambeka omai-nyengo gaatalelipo opo ku yandwe omukithi kaa gu taandele. Omakonakona oga kwatela mo onyata, omasita nombinzi yaavu ayehe osho-wo omeya gomesipa lyom-bunda. Muni gwaVenduka naye okwa kwatelwa mo momakonakono okusimo-nona omeya niikulya ku mo-nike osheetithi shomukithi. Uuministeli wUuhaku owa tamekele noshikonga shoku-tuntila opolio moKhomas noHardap omasiku ga zi ko. Iikonga yopolio moshilongo ashihe okwa thanekwa yi ka tameke momasiku 10 Juni. Uuministeli otau indile oshi-gwana ashihe shi ngungu-mane, oshoka onkalo otayi ungaungwa nayo pandondo yopombanda kepangelo, noshigwana otashi pulwa shi lopote iiponga kehe yi nasha nenkundipalo lyombala kii-pangelo nuuklinika mboka wu li popepi nayo, nokulo-ngela kumwe naanambelewa yuuhaku wopaulumompu-mbwe mboka ye li miito-polwa yawo.