Ovanamutjemo Kavena Kuvaza Komayamberero wa Kahandja

0
17

Mavekara Motjihungiriro Tjarwe Tjeri Ohunga Noveta I Kae Matundu-Tjiparuro Otjomuise- Ovanamu-tjemo mavekara norupa motjihungiriro tjarwe pokati kao nOuhonapare wOvamba-nderu ndoovazu tjakarako uriri indu tjimatjihungirire koveta yomuhko imbwi nai ndjiri mombata. Tjipehina kukara nao okutja ovimbumba aviyevari imbi ngavi kahakaenene kotjombanguriro. Oumune imbwi wa honaparere po-mbonagrero yOvanamutjemo Oritjavari ngurova pombongo ya Africa kombunda yo-mbuze yokutja Ombara yOvambanderu Munjuku 11 Nguvauva waningire nguri o Ministera yOkehi yOmahi, Omahandurisiro, Omaya-ndjero wOmara Nomeku-risiro, Kazenambo Kaze-nambo, okukawondja komu-rungu okuyapura. Ngunda imbwi awari oumune mbwari amau honapara pombonga-rero indji ngunda okomiti yovanene vOvanamutjemo kaina ongutiro ndjiyakutu tjinga Oritjavari ondjivisiro indji aihiayari ayavaza kuwo kotjiveta. Ombongarero yOvambanderu Ovanamutje-mo ya Ritjavari yahaamene okuyandja ondjivisiro ohunga nombongarero yOtjirata Tjokombanda tjOuhonapare wOmbanderu ndjahaamene mOmauezonjanda Oroviungura. Ombongarero ya Mawezonjanda kwana-ngerwe Otjiuru Tjovahona Erastus Kahuure. Oyo ya-tuarere ondjira omahakae-neno yarwe omakuru pokati kovimbumba aviyevari nguyatuara mokuhina okuye-nda kumwe. Yahanikire mo-kati mokutja tjiihapo om-bongarero indji oyOtjirata Tjokombanda iho otjikuru otja koveta onguri yomuhoko poo Otjirata Tjokombanda otjipe otja koveta ombe yomuhoko? Kaari otjihimise kutja otupa atuyevari itui tuahani-kire mokati. Nganda Otjo-mbanguriro Tjokombanda atjayandja eraa ratjo tjiyari 8 ku Kambundu kutja ozorata zombazu zomuhoko imbwi ndaisakewa kovihavero ngazeyarurwe ko, patumbuka omatorokero ngepitasana pokati kovimbumba aviyevari kutja omayaruriro mo mo-vihavero inga yeheya tjike. Ovanamutjemo vetja yeheya ovihavero otja koveta onguri Kahuure meri Otjiuru Tjova-hona ngunda Ouhonapare wOmbanderu autoroka erra indi kutja otja koveta ombe kehi yombara mumuna ozorata ozonene. Ouhonapare wOmbanderu waraisire kutja ombongarero indji okehi yoveta ombe Kahuure pakarere nouzeu kutja ndoovazu onao ongwa-ye tjanangerwe kombonga-rero kehi yoveta nai ndjiri komurungu wOtjomba-nguriro Tjokommbanda nu ndjemurambisa kotjihavero nu tjehi yayarurwa ko? Watjere moruveze indui nai kapena Otjirata Tjoko-mambda otja tjima peheewa kehi yoveta ndjiri komurungu wotjombanguriro. Nandarire omaresero weraa indi kombongarero indji kayena ya vaterere nu Kahuure nozorata zarwe nda-herurwa kovihavero azepanda okutuako omunwe kembo korutuu romayaruriro wazo movihavero otja keraa rOtjombanguriro. Zpandere okutjita nao mokupitasana nOuhonapare wOmbanderu kutja ovihavero mumazeya-rurwa mo oovine. Munao Ka-huure novakwao wina otjiva-ningirire kutja otutuu itui ngatuyarure ondjira otutuu tuomarambero wao movi-havero mbituayetere tjapo tu-vevaze nowo vekapahere ko ondunge kozohahende zao. Ombongarero yahanikire nao tjazumba otupa atuyevari atutinyauka atukayandja ondjivisiro aruhe kotjimbu-mba tjaro peke. Nandarire kutja makuzu ombepo pokati kovimbumba aviyevari imbi mOma-wezonjanda kaari ombame tjinene, Ovambanderu Ova-namutjemo kavena kuyenda kOkahandja komazemburu-kiro oetja 110 wondangere Kahimemua Nguvauva. Otja kuwo Okahandja oruveze oruyapuke kukwasere okuye-ndua nombepo nourizembu-ruke oukohoke. Mena rondja-kaha ndjiripo mOmbanderu ourizemburuka nombepo indji kaipo notjivehina kuvaza kOkahandja.