Iikulya Ya Etitha Oontamanana Pokati kaPata Klein-Hitpass nOombwanda

0
20

WINDHOEK Ongundu yaakiintu mboka haya landitha omalutu gawo, ano oombwanda dhoka hadhi mono omayakulo giikulya niikutu koprojeka yedhina Stand Together Organisation moKatutura, oye li ya geela noonkondo omuyakuli gwa-wo Pata Herman Klein-Hit-pass. Okangundu hoka otaku tiwa oka yakele po iikulya okuza pendiki ndyoka lyo-makwatho, nopethimbo ndi-ka oya pewa oomwedhi ndatu inaya mona omakwa-tho. Okuza sho oprojeka ndjika ya monene omagano goshimaliwa N$85 000 kEpangelo, oombwanda odha tameke tadhi pula oma-yakulo gadho haya mono moshiwike kehe ga gwedhel-we, oshowo okupewa oshi-maliwa koomuma. Otaya ti wo kutya omupristeli nguka ngashingeyi oha li nawa omanga yo inaya nyanyu-kilwa uusila wepungu noohi dhomoondooha dhoka haya pewa. Kakele, omupristeli nguka okwa tseyithile oshifo shika kutya okwa hala oku-kwatha aantu ngaashi ta vulu, ihe ngele omategameno ga-wo ngoka oga gwanithwa po, nena iikulya otayi ka pwa po mbala. Naashika otashi ti aantu yethike pethele otaya ka kala kaye na iikulya, oku-ninga shila pe na ngoka te ya monene ekwatho lyontumba. Oshifo shika mokutalela po ongundu ndjika yoo-mbwanda dha geya pegumbo mpoka, yamwe oya holola eyeme lyawo shi nasha nomukalo ngoka oshimaliwa shoka sha gandjwa tashi longithwa, konima yoma-nyenyeto kutya ihaya mono we iikulya ya gwana oshowo iikutu iikulu. “Iikulya inayi gwanena ndje naanona ya-ndje. Oshimaliwa N$85 000 oshi li peni? Pata oha longi-tha ashike omadhina getu okumona oshimaliwa,” osho gumwe ta ti a geya. Maria Boois ota ti omupristeli ngu-ka ihe ya ulukile nando nke-ne iimaliwa te yi longitha, naantu yamwe oye na oku mu indila omakwatho ngoka. “Aantu yamwe ohaya lon-go mpaka, ihe ihaya futwa nando, noshikwawo otwa hala iimaliwa yetu mbyoka yi galuke,” osho gumwe ta igidha. Osha fa shi li ngawo kutya mokukala ye li mo-mpumbwe onene yomakwa-tho, yamwe yomoombwanda oya yaka po okapakete koohi dhomoondooha ke li etata posenda ndjoka, noya kwa-twa komupristeli pethimbo taye ka yaka. Mokwiihem-pu-lula shi nasha nuufuthi mbuka, Scholastica /Goagoses ota ti okwa yaka molwaashoka aanona ye otaya si ondjala. Kakele, okuyaka oshi-kulumuna, ishewe kashishi oshikando shotango aayaku-lwa mbaka taya yaka po omakwatho ngoka, onkee Pata Klein-Hitpass okwe ya pe egeelo ya kale inaya mona iikulya muule woomwedhi ndatu tadhi landula. “Ngele otamu yaka, itandi ke mu pa sha ‘omakwatho,’ osho pata e ya lombwele pethimbo lyoontamanana dha kwata miiti pegumbo ndyoka me-pandaanda Clemens Kapuuo moKatutura. Pata mokupa-tela aayakulwa mboka ya geya pondje, okwa ulukile oshifo shika iikwathithi mby-oka yi li mompungulilo po-senda mpoka. Omakwatho oga kwatela mo uushako wuusila wepungu, osuuka, ootoileta, omakumbatha, omahini, otee, okatete, ooko-ndoma oshowo iipumbiwa-nima yilwe. Pata ota ti ye ota kamba-dhala ngaashi ta vulu oku-topola iipumbiwanima mbi-ka koombwanda naamboka ya pumbwa omakwatho. Ta yelitha kutya oshimaliwa N$85 000 shoka ya pewa omagano kUuministeli wUu-kalinawa nIilonga yOnka-lonawa, opwa longithwa nale N$40 000 okulanda iikulya nokukaleka po osenda, nop-wa hupa N$45 000 dhi li mombaanga. Okuza sho a pewa omagano ngaka kuyele nuumvo, Pata Klein-Hitpass ota ka gandja omushangwa-hokololo gwelongitho lyoshimaliwa shoka muSep-temba nuumvo. Otashi mo-nika wo kutya, aantu ashike yontumba mboka ye li moontamanana nompinge nomupristeli nguka nkene ta wilike endiki ndika, omanga omuyalu ogundji tagu yambidhidha nokunyanyu-kilwa shoka te ya longele, unene sho e ya kutha mon-kalo lyokulanditha omalutu gawo momapandaanda. “Pata okwa kala ha kwathele ndje pamwe naanona yandje, okwa li ndi na okukala ndi li natango momapandaanda,” osho Beverly April ngoka a tseya pata omimvo ntano dha pita ta ti. Mokuholola olupandu kOmupristeli nguka gwaKa-toolika omolwoonka-mbadhala dhe oku ya kutha moluhepo nonkalo yokuhupa momalutu gawo, yamwe oya nyanyukilwa omukalo ngoka omupristeli ha longitha mo-kutopola oondja. Taya ti iikulya osho yi na okutopol-wa pamukalo ngoka opo kehe gumwe a mone iikulya, yo iikulya kayi pwe po mbala. Uupyakadhi wumwe wa hololwa komupristeli nguka owo mboka wokuteya endiki nokuyaka mo iikulya. “Tala, onda tulitha po uutalalisa pomakende meni nokom-banda, oshoka aantu otaya teya nokuyaka,” osho pata ta ti manga ta ulukile oshifo shika ombululu onene moo-mbuli dhondunda mpoka pwa pitila aafuthi oshikando shahugunina. Oyendji yo-moombwanda dhoka dha geya odha kala nokumona omakwatho kuPata Hitpass okuza nkene a tamekele okuyakula oshigwana shika moKatutura konima yoo-mvula 10 dha pita.