Aadhani yOofilima Jolie naPitt ya gandja Oomiliyuna Mbali Omagano kuNamibia

0
11

WINDHOEK Aanyandi yoofilima yoHollywood, Angelina Jolie naBrad Pitt mboka omasiku ngaka ya monene okanona kawo moNamibia noka lukwa Shiloh Nouvel, oya gandja olupandu lwoomiliyuna mbali oshinkwanu yimwe koshigwana shaNamibia. Etseyitho ndika lyopambelewa olya ningwa okuza mombelewa yOmupehaminista gOmidhingoloko nUutalelipo, Leon Jooste. Omupehaminista okwa kala popepi nefamili lyaJolie naPitt mboka ya mono okanona okakadhona mOsoondaha moshipangelo shimwe moSwakopmund. “Ngame onda nyanyukwa okutseyitha kutya Angelina Jolie naBrad Pitt oya gandja omagano -US$300 000 ( N$2.1 million) okulanda iiyakulitho yopaunamiti miipangelo iyali yepangelo mOmbaye noSwakopmund. Iilongitho mbyoka okwa dhiladhilwa okuyambula po omuthika goosaala dhaamwali – uunyothi oshowo uundjolowele woohanona moNamibia,” Jooste ta ti. Pauyelele wOmupehaminista, okapandi koomiliyuna US$15 000 odha gandjwa ishewe omagano kOprojeka yOsikola DRC nEndiki lyOshigwana molukanda ndoka moSwakopmund. “Tse otwa hala okugandja sha kuNamibia noshigwana shoka she tu yakula noku tu nyanyukilwa pethimbo ndika,” osho Jolie naPitt ya ti momukanda kiikundaneki. Ngoka ta longo peha lyaAmushanga Omukuluntu mUuministeli wUundjolowele nIilonga yOnkalonawa, Simwaza Simenda ota ti uuministeli wawo owa nyanyukilwa omagano ngoka. “Omagano goludhi nduka oga taambiwa ko nomaako agehe kuuministeli wetu, notaga ka pendula po omuthika guukalinawa wakwalukehe moshilongo,” Simenda ta ti peha lyaMinista Dr Richard Kamwi.