Epangelo Otashi Vulika Li Ka Kwathe Ramatex

0
14

WINDHOEK Epangelo olya ninga po ethaneko lya kwata miiti shi nasha nOfambulika yOkuhondja oonguwo – Ramatex ndjoka yi li mewiliko lyAamalaysia, sha landula komalimbililo kutya oompito kaaniilonga 6 000 dhetemo otashi vulika dhi kane ngele oRamatex oya pata. Oonzo dhi shi okwiinekelwa otadhi ti Epangelo olya gandja okapandi koomiliyuna 13 (N$13 million) opo oRamatex yi vule okuungaunga niinima ngaashi omudhingoloko, ezigopaleko lyomeya gomevi oshowo iinima ya guma eyakulonawa lyaaniilonga. Shika osha ningwa konima sho mboka ye na mo oshipambu ya kugu onkugo yawo kEpangelo li ya ‘hupithe monkalo moka ye li.’ Iinima mbyoka tayi ka talwa moonkundathana dhoka dha thanekwa otayi ka kwatela mo “okugandja oshimaliwa” koRamatex mbyoka a longitha mokudheula aaniilonga, shika otashi ka ningwa ngele oya gandja omikanda tadhi ulike uumbangi wa yela. Epangelo otali ka kwatela wo komeho oonkundathana dhi nasha “niifuta ya guma emona” yi nasha nomeya nomalusheno. Kombinga yomakwatathano giinima ya nika aaniilonga, Epangelo oli ilongekidha okuwilika oonkundathana pamwe nomahangano gaaniilonga shi nasha nookondalaka dhiilonga dhoka tadhi shilipaleke omudhingoloko gwiilonga gu nasha negameno kaaniilonga omayovi moRamatex. Shi nasha niipindi, Epangelo oli li moonkundathana nokupitila moSouthern African Customs Union (SACU) oshowo oSADC opo iilongomwa yi vule okuthika nuupu momalandithilo ga simana muAfrica oshowo kEhangano lyUukumwe waEuropa. Omalandithilo galwe ngoka ga dhiladhilwa ongaashi: United States, China naIndia. Okuthika nuupu pomalandithilo ngoka omanene otashi vulu okukala nomauwanawa koRamatex, osho oonzo tadhi ti. Omanga etulilosikepa pOmbaye tali ka gandja ompito yu ukilila yondalasipota, opwa ningwa wo omathaneko okukwatela mo omapangelo giilongo yuumbugantu waAfrika opo ku yandwe omakatasho inaga pumbiwa. Oshinima shi nasha nependulopo lyiilonga ya ndjunguka nasho otashi ka kundathanwa wo, omanga Epangelo li ilongekidha okukundathana naapindiki shi nasha negandjo lyomikanda dhopaipindi oshowo omauwanawa galwe. Pokati mpoka, oonzo dhimwe otadhi ti omauwanawa ngoka ge li po otaga ka talululwa opo ehangano li longe nawa nuupu. Oonkambadhala dhoshifo shika okumona omauyelele galwe kaanambelewa yEpangelo mboka ye nasha nosheetwapo shokukwathela oRamatex odha hulile muunyengwi. Kakele, onkalo ya guma oRamatex oshowo ompito yekanitho lyiilonga kAanamibia omayovi oya eta uumbanda moshilongo. Tsudao Gurirab goCoD ota ti uupyakadhi mbuka owi ikwatitha ongundu yawo pomutima, osho a ti momukunda kiikundaneki. Ta gwedha po kutya omukundu ngoka ogu li wo ompinge neitulomo lyepangelo okuungaunga nonkalo yokwaaniilonga noluhepo moshilongo. CoD otayi indile Epangelo li tale po nawa omanga inali longitha iimaliwa oyindji moprojeka ndjika. Ramatex okwa tamekele okuhondja oonguwo moNamibia okuza momumvo 2001, sho a dhike oshinayeta she shika shoomiliyuna odhindji moshilongo. Okwa kutu miilonga Aanamibia 5 000. Petameko Ramatex okwa ningile euvaneko nEpangelo kutya konima ngele iilonga oya tameke ota ka eta po oompito dhiilonga 15 000 momvula ontintatu. Opwa zimininwe wo kutya oompito dhiilonga 3 000 dha gwedhwa otadhi ka etwa po. Kakele omathimbo ga zi ko, elelo lya-Ramatex olya tokola okupata ofambulika ndjika omolwuu-pyakadhi woshimaliwa sha etithwa komategameno inaga gwanithwa po oshowo iiyetithi yilwe yopaipindi nonkala-thano yaaniilonga. Oku shi talela monkalo ya nika iikuni ya taalela oRamatex, aanashipambu yayooloka omathimbo ga zi ko oya kugu onkugo kEpangelo li ya kwathe. Omanga omahangano galwe ngoka haga landa iikutu ko-Ramatex oga ningi omatilitho okuhulitha po omakwatathano gopaipindi noRamatex sha landula koonkundana ndjika onta-lala. Kakele otaku tiwa oRamatex otayi longo natango noku-gandja sha kemona lyaNamibia nokwa hala okugwanitha po omalongekidho ngoka ge li po. Omukanda otagu ti oonku-ndathana nepangelo inadhi piyaganekwa nando.