Omatjangisiro wOmahi Yareparisiwa

0
7

I Wezi Tjaronda OTJOMUISE – Ovature vo mahi wa kangamwa vena ozombura zarwe ndatu oku-tjangisa ousemba wowini wao wehi rombazu. O Ministeri yOmahi nOmahandurisiro Oritjavari watjivisire kutja wareparisa oruveze ro meritjangisiro kousemba wowini wehi tjaza nokumuna kutja ngunda pena ovingi mbyasere okuungurwa motjina ihi. O Ministera Jerry Ekandjo wa raerere ounepo wovirata vyomahi wa kanga-mwa motjihuro o hongora ku-tja okuhina okuyenena oku-tjangisa avehe mbasere oku-tjangwa kwatjita kutja ohoro-mende aiha kara nomwano warwe pendje no ku reparisa oruveze ro matjangero oure wozombura zarwe ndatu. Ovature vari noruveze nganduu mo mayandero wa Tengarindi ombura indji o kuritjangisa no kutanaurira ousemba wao wokukara mehi mousemba wokuyazema. Okuza nganda otjiungura ihi a tjauta ozombura ndatu ndakapita ovirata imbi vya-tjanga ovature o 3164 ovaku-ru mbaningira ousemba, ovape e 1028 navi tanaurire ousemba wokukara o 17 mou-semba wokuyazema oma-turiro. Pendje na nao ovirata imbi vya yandjera ovayazeme ovape o 688 ngunda ozondja-kaha o 124 a zarapotua nu 44 muzo a zazengururwa. Na-ndarire mondoneno indji Ekandjo watjere ngunda pena ovingi mbyasere okutjitua mena rokutja ousemba auhe wehi mbunovandu nai wasere kutja wa tjangwa moure wo-zombura ndatu inda ndaka-pitire nai. Mozombubra ndatu nderiko, Ekandjo watjere, ovirata vyehi mbiripo nai vyasere okutjanga omause-mba ayehe wehi nawina oku tanaurira ousemba wokukara mousemba wokuyazema omaturiro. Tjingetjo maviso okutuna nokuzengurura ozombata nderi motukondua tuavyo nokutua Oveta yOma-tungururiro Wehi ra Kanga-mwa momaunguriro okuura. Nombatero yOruwano rwa Eurpa, o Ministeri yOmahi mayiutu otjiungura ovanau-nongo mokusaneka ounene wehi pumavevatere oviwana okurisaneka noku vepan-gurira ousemba wao kutja tja-zumba ovirata vyomahi wa-kangamwa vi ungurireko. Otjiungura ihi tji matjika-mbura ozombura mbari, matji tjiti kutja omaturiro ngeripo nai otja kombazu nawina omayazemeno wehi momahi wa kangamwa, ye tjangisiwe noveni vawo vekare notu tutu tuomatjangisiro wehi rao indi otja kousemba wowini kuveri tjangisa. Ombongarero indji ndjau-tire Omandaha nu ndji maiy-anda ndinondi pena ounepo auhe wovirata vyomahi wa kangamwa o 160. Tjiva zozo-ndando zayo oku okutjiukisa kounepo oupe wovirata imbi Oveta yOmatungururiro wOmahi wa Kangamwa na-wina orutuu oru hongorere rovirata imbi, okuhungirira nokuyeta kotjikoro oveta oitjavari ombungurwa oru-ndurure yOveta yOmatu-ngururiro wEhi ra Kangamwa nawina oku hungirira ko ma-tuiiro momaunguriro wotji-ungura tjo Matjangisiro Wo-mausemba Wehi ra Kanga-mwa Ngeripo nai. Ounepo wovirata ombura ndjazuko otji waraisa mbi mauvanga kutja virire orupa noveta ombungurwa orun-durure tji waningirwa oku-raisa ovinenge mbiheri nawa mOveta. Tjimwe tjavyo ou-nene wehi. Ousemba mbu mauyandjwa kehi yOveta indji ousemba wehi roututa, romaturiro, eyazema nawina ousemba womaungurisiro wehi momwano auhe otja kombazu mbwavarwa no kuhandjaurwa iyo Ministera mongoramambo ondjiukise kotjiveta yovitjitua vyohoro-mende. Oveta yOmatungu-ruriro wEhi itjaera o mana-neno wotumbo momahi wa kangamwa pendje nousemba nawina omarisiro wo vima-mwinyo mbihaturire momahi ingo. Wina itjaere ovatita mbena ovinamwinyo ovinene mbyatanana o 300 novititi vyo kombanda yotjivaro the 1800 okutumbira momahi wa kangamwa.