Kwato Eyi Vanaruganako Komukadona Gwanamibia

0
12

Vawapayiki womarumbasano gomukadona gomuwa moNamibia kava tente asi awo kapi navakwama-kwama Leefa Shiikwa ogu vayambekere asi yige mukadona gomuwa moNamibia mo2005,konyima tupu apa kavayigwene asi age kwapatanene asi kapi gakwara posiruwo esi varumbasanene evango eli. Malikwetjo kuna kutwima pokatji kovawapayiki novagavi mauhwi age gagwene Shiikwa mokulirundira ndi asi mokupatana asi kapi gakwarayiyo gagwene uhwi nomurongo domayovi. Mukadona ogu gono mvhura 23,Shiikwa ogu gafundire evango lyomukadona gomuwa moNamibia dogoro ngano utatu owo unakuwiza kava umunkwenyene kandambandamba apa kavayigwene nawa asi muntu ogu kwadinine veta mokukumbagera asi kapi vamukwereka yipo nage ahamene momarumbasano.Nombapira dina kara kwaNEW ERA,kuna kutanta nawa-nawa asi Shiikwa kwakwere mokahore hore nomunavharerwa gwaAngola gonomvhura 25,Jose Silva De Oliveira moOkahandja mokwedi kwaSikukutu 15,2004. Age mokukwama nombudi kwakwara mokahorehore novakurona vendi kapi vayidivire asi kwakukamukwareka morwa kwato ogu gamudiva moOkandja nahahende kapi gamudiva. Mokutara nye asi age kuna teze veta vahepa kumuhokona sidimbwiliso esi vamupere posiruwo tupu sosisupi.Vantu ava avarugana kweyi yovanayirongo yiwo kava tanterere vawapayiki asi Shiikwa gakwara,mbudi ezi kava zigwene momandaha gomazuva 24 gaKudumogona. Nombudi kuna bubuka asi age kwakwere komeho aka hamene momarumbasano gahananye kutantera ava vawapayikire silika sangesi asi age gakwara yipo ngano vatere asi kurugana ngapi. Zimwe zonoveta kwakere asi nkenye ogu ana kuhamenamo gahepa kukara muntu ogu gapira kukwara komeho ndi posiruwo oso ana kurumbasana. Mokukwama hahende gegendeso lyomukadona gomuwa moNamibia Philip Ellis katente asi yihorokwa yaShiikwa vanayimana kwato hena yopeke kapi navamukwamakwama yipo tupu yina hulire. Ose kuna kugazara asi yininke eyi nare yapwa,yimo ana kutanta hahende apa kavamupuragerere vaNEW ERA pausupi. Nampili ngoso simpe kuna kulipuragera novagavi mauhwi asi yinke nayihoroka komauhwi age gagwene Shiikwa moyifuki mvhura ezi kazipwire.Yitundwamo kuna kulikida asi momakwedi aga 12 gakere asi yige mukadona gomuwa, Shiikwa kwamupere mbapira zokudingwisa ko Frankfurt ndi koLondon modira zovanangesefa zondiro kupitakana nonkwawo yipo akahamene momarumbasano gokurumbasanena mukadona gomuwa mouzuni,ntani gouniverse omu gakakwaterermo Namibia ngomukerelipo gosirongo. Ntani uhwi umwe age kwamupere simbapira sokurondesa dira aze koKapa ndi koJohannesburg age aruganese dira ozo zaAir Namibia,ntani ngano aronde dira yikando ntazimwe domonda zosirongo posiruwo oso ana kara asi yige mukadona gomuwa moNamibia nsene asi ana kara norugendo ropa veta.Shiikwa simpe kwaruganesa Toyota tazz ure womvhura zimwe nkenye yihepwa yekehauto ngavayifuta wongarase zaPupkewitz Toyota,telefona zokomawoko,yiwo hena vene ngava futa nkenye yihepwa,maholi nsene asi moyirugana ana kara pongarase zaTotal ntani takara nokambo kastandard Bank noyimaliwa yina siki ko N$3000.Madina geyi gagwene simpe kuna kuza komeho Lana Dry Cleaner kwa gusire sinka soku kuhwa nehina yidwara yaSiikwa ure womvhura ozo ana kara asi yige mukadona gomuwa moNamibia ntani age kwagwana simbapira sokukalikida arare mohotera esi sapwa nare kufuta yendiko kurara tupu. Kwagwene hena sinekeresi somonsingo.Simbapira saGame sokuvhura kukarandesa mositora oso gahana kufuta.Mutji gomonohuki dendi yipo dimoneke nawa ntani N$5000 yatundire ko Janeel ezi azi rugana noyimaliwa. Ava vakere asi yiwo vageve yuma yoyinzi kuna kara AirNamibia,Windhoek Country club hotel nakasino,Pepsi,Total,Hertz Car Rental, One Afrika Television, Namdeb naPupkewitz.Dogoro papa navenye owo simpe vana kara nehara lyokuvatera asi marumbasano ganamvho gawape awo hena simpe tava gava mauhwi komukadona ogu nafunda mo 2006,siruwo ose evango eli muporongwa dogoro mwaKudumonkuru 20.

SHARE
Previous articleMTC NFA Cup
Next articleForum Drafts Jobs Bill