Ozongama zo Kuyapura Ovambanderu Zasekama?

0
10

OTJOMUISE Omutjan-gerepo wOrutu rOmitanda vyo Vambanderu mOtjauana, Carter Hikuama, matja Omuhoko wOvambanderu mOtjauana wa urikire oru-hindo rovandu o 14 kehi yOmuhona Nguvauva Ngu-vauva II okuya ko Namibia otjo ruyapure rondjakaha ndjiri mo muhoko. Omuhoko wOmbanderu omayuva womasuviro wa wo-ronganene mo Tjihitua mo Tjauana kehi yOmuhona wOvambanderu morukondua rwa Ngami, Uatumua Ngu-vauva. Hikuama matja oru-hindo indui maru undjirua okusekama mo Tjauana Orit-jatatu rotjiveke tji matjiyende tjiyeri 26 komweze imbwi nu maruye kukara mo Namibia nganduu ketenga ra Kam-bundu, ndiri eyuva romasuviro rovaungure mouye na mo Namibia wina. Nandarire kutja wa yauzire kutja ouyenda woruhindo rwa Tjauana wa kurama, Omuhungirerpo wOvambanderu, Uazenga Ngahahe-Tjiposa, moruveze romairo kamandurukiro wo ngoramambo indji erero kanaa wa munikirwe tjinga okangoze okawondjozewa ke aa kei komakamburiro womaraa. Posyo momakayendero weyu-va erero tjapurirwe kutja om-bongarero yomayapuriro ma i haamene pi? Nu rune? Nu mbuverire ounepo wyo oo une? Ngahahe-Tjiposa kaari nongahukiro novinenge vyo mbongarero yomayapuriro nu wari ama kapaha ongahukiro. Ngunda aperi nao umwe wovakwatua mOmbanderu, Kazenambo Kazenambo, waitavere kutja otjo tjiri eye otjomukwatua novakwatua varwe vevari, Killus Ngu-vauva no Tjiuru Tjovahona, Erastus Kahuure, vena on-gondjero yokuyapura omu-hoko. Watja ondunge indji yaza membo Ombara Mun-juku II Nguvauva ndahun-gamisa ye nguri Kazenambo otjo kasya okasyona kaihe yOmbara, Keharanjo, okutara motjina tjitjarama omuhoko. Watja ngunda nai owo kavena otjina tjotjikoro okuyandja kozombuze poo komuhoko tjinga veri moku vyavanga kutja otjina ihi mave tjiutire no ku tjizirapi. Watja mo ma vyavangero inga nai vakara no mahaameno yetatu. “Ngunda matu pahasana otjo vakwatua, katuna otjina okuyandja ko-zombuze,” Kazenambo watja. Pokati mbo wina pena ombango okuza ko mukuatua warwe, Onongo Becky Ndjo-ze-Ojo, okuyapura. Omuhun-girirepo wOvambanderu, Uazenga Ngahahe-Tjiposa, wa yauza ombango ya Ndjoze-Ojo yo kuyapura indji natja yazu mo u yenda Ndjoze-Ojo mbwari nawo okukatara Ombara. Otja kondunge yo-mayapuriro indji ndjasere okutjitua moruveze rwa kamanga omunda mominda vivari momuhoko mbyaj-hanika momayakuriro woveta yomuhoko ma uso okukara novahindua vetano nOmbara oini aikara no vakuramenepo vayo vetatu oyo oini orutu rwayo tjii hina kurira orupa nongondjero indji. Omuhun-girirepo wOvanamutjemo, Paul Kahorere, wina wa yauza ozongama inda. “Ovambanderu ovanamu-tjemo owete ovarikaze,” watja nazeri kutja omunda auhe u kure novandu omurongo. Watja otjiposa tjo motjom-banguriro tjo kurwisa oveta yOvambanderu ndjikuza yayakurwa kotjiveta nambano katjiri momake wawo otjo Vanamutjemo nungwari tjiri momake wozohahende zawo nambano ndasere oku tjihun-gamisa otjombanguriro, Nu nandaire kutja peri nao watja katjisere okupatera on-gondjero kangamwa yoku-yapura pendje no vina a viyevari imbi maviyenene okukawondja ombamba ngan-duu tjipakara omuhunga um-we poo warwe. Watja ndoovazu omaya-puriro yatona ka uzeu oku henununa otjiposa kotjomban-guriro. Nu ndoovazu kaye karere novihape wina tjandje otjiposa okutjiri kotjomban-guriro matjikayenda.