Ovaharupu Vayanisa Okuumbira Omahongero Ozondola za Namibia ape Omangete o 357

0
12

I Kae Matundu-Tjiparuro OTJOMUISE Ohoromende yatoora otjiungura tjo kupwisa orupa rwo mahongero no mahupikiro okupwisa ondengu yomahongero, kutja ova-hongwa avehe ve yene okuvaza komahongero, okutekisa omahongero pupeta no kuyeta oupwe noutwe wozondando mo mahongero. O Presidenda Hifikepunye Pohamba watjere nao Oritjatatu mOtjomuise tja patururire ombongarero ovaharupu paa veriyandjere okuumba otji-mariva kotjikesa tjombwisiro yomahongero. Oritjaine poma patero wombongarero indji ovaha-rupu vayanisire okuumbira ombwisiro yomahongero mehi ozondola za Namibia omangete ape o 357. Pohamba watjere kombanda yaa avihe oma-hongero maye yenene okupwa ozomburo nderipo tji zaun-gurisiwa kovyungura novitjitua vyomahongero mbiri ohepero okurwisa ovitoke vombwiko nondunino yotjiwana. Watjere ohoromende ivara o ma tan-davarisiro wo mahongero wo kombanda otjo mukambo ohe-pero momirari vyo mekurisiro tjimuna Ondunge yOtjiwana yOmekurisiro Oitjavari nOn-dando yo 2030. Munao otutu tuehi tuo mahongero wo kom-banda na wina tuo mahongero wo vyungura vyo komake otji tuna otjiungura no merizirira wokuhonga, okuhupika noku pangina ovature nondjiviro nounongo mburiwo. Okuyenenisa ondando ohuze indji, ozomitiri zon-dondo yomautiro no itjavari va-sere oku panginwa no vyun-gurisiwa no zomburo kutja ovahongwa pondondo oitjatatu tjivazu nokumana ondondo oitjavari yomahongero ve ye-nene okurihonga nongambu-riro ndjayenene. Ihi ohepero mena rokutja omahongero wo kombunda yondondo oitjavari mehi maye yenene okuungura nawa ndoovazu imba nguya sekirisa okuza kondondo oitjavari vena ongunde ombwa momahongero puvautira. Munao ohoromende otja tjaizera okumuna ongaro ovahongwa vondondo oitja 12 vekare nozongombe ozombwa okuve vasisa komahongero wo kombanda kutja o mehi poo opendje. Indi irimwe ro mapu ohepero ohoromende ku mai tungururire orupa romahon-gero. Pohamba watjere una on-gamburiro kutja ovaza pamwe mo mekurisiro vena orupa orunene mongondjero indji. Wanunisire ohepero yokutja ovihape vyo tjiungura tjoma-tungururiro ihi avihayandere mo mahongero uriri nungwari vivaze wina kotjiwana atjihe mokutuna ovinenge vyo ndu-nino nombwiko yotjiwana no kutikonaparisa otutjiva tu tua kwatua iyo ombangu mond-jambi no mahaneno ohendeka youtumbe wehi. Watjere ma-kambura kutja avehe mave ku-pasana naye kutja ozombangu mo wondunino nombwiko mo mekurisiro maze yenene oku-tunwa uriri indu orupa ro ma-hongero nombwiko tji twa tungunyunwa nmbwiko a i kurisiwa ohakahana. Imbi wina mavitjitua indu tji kwayandjwa ombango yomasa koma panginino wa mbaseerwe kombunda oku tuurungira mo-mahongero, omahupikiro no-mekurisiro wounongo ngu-maye tandere komananeno wombwiko omapwe no manyikore. Watjere manunisa kutja omahongero ngeriwo no manamasa no makovise wo o u kaiya wehi maye yandjere omeurisiro wozondando zotji-wana. Pohamba watjere peri nao mena rokutja otutu tuo mahon-gero wo kombanda tuasere okurira ozomburo zondjiviro nomasorero mo matuiiro mo maungurisiro wovyungura tjimuna vyo mapwisiro wo mahongero. Munao otutu itui o tjituna otjiungura tjo ku kondonona o u kaiya wehi kutja o mo ndunino poo o mo mb-wiko yehi kutja tjazumba tuzikamise ovirihongwa mbi mavitara ko ma u kaiya nga-munikwa inga. Imbi ovitoke mbya kuramene ehi oro ku ra-sere okupaherako o vizengu-rure. Munao Pohamba otja nin-gire ovature ve kamburasane pomake mo kupaha ovizengu-rure vyo vitoke imbi mbya kuramena otjiwa momurungu.