Ohepero o Kutjiwasana

0
16

Ondanga: Ovanatje wonda-nga ya Hehova wotjiupatjomi-ta wa Tjiramba tja Kerambu. Omurise n’Omuhonge Hiskia Karihangana-Uje’uzeu Ndjoze-Uanivi, matja:Pakara ombembamwa mokati ketu tjinene ndja himununa oma-hupiro wetu, mehi retu. Katu tjina evyo retu nu otji tua pandjara epungira rohange yomahupiro wetu ndi tuari naro. Ongaro indji yetu pa-ndjarisa ohawari yomeva nondjaro yovikurya. Ouye wa himunuka! Ihi otji tjiri otjitaka tja ndinondi. Owani nguma tatuma ku ani? Nga rune tjituri ohimbihimbi? Indjeye tu himbahimbe! Ongaro yetu ya rukuru ma i nambata ete aruhe tjitu hina okupura noku-ramanaga okurihonga ovyetu. Atu karako nozombaramba! Ongara yoku huurwa yetu punda ouingi womeva noma-kuti nombaruriro yovikurya [ehiha rovikurya = ondjaro yovikurya; ndji koza ondjara yezumo]. Ouye wa rira ouvi [wa hi-munuka]. Ondiro ondenga [otjitaka] ndji tu nayo motji-wana, momatundu, mozo-nganda na mokati keti oveni ndinondi ndji tua ta nuy ndjituta. Owani ndinondi ngu meriheke ondjesiro ku ani? Nu nga rune moku heriheka ondjesiro tji matukara nouka-rere womeho omatare uri. [Mundu, muhimba mokara pokutara nai nga rune?]. Indjeye ngatu ritye nu tu yungure ohakahana kokutja turi vatere [ngatu rire noku ri isapo ovahimba = (muhimba) ova-yungure wohakahana]. Ongaro yetu ngunda atu yahuurwa oyo ondji ma i tupangura, ondji ma i tu kondozora [nambata] ete indu tji tu hina konatja na ete oveni. Nga tu ise ondende [ozombaramba]. Tja nyuku uri maa tjinyukurura m’Ondanga. Ohange ya Ndjambi nga i kare na ene! Ombongarero yatja tu zuvisa nove omwini indjo wina. Ami owami omukwatua wOndanga koo mama nu owa-mi omuna wOndjiva koo Tate. Nu ondatumisire nokurambwa oku kwe ndji isapo okurira Ndjoze-Uanivi mo 1968. Ovandu avehe wondongo yetu ondonga nu yozondunge okuza kondungu yao avehe imba wOndanga ovo Ovambanderu. Ovandu n’Ondanga vasuvera okukara poruveze = pondongo = pondivitivi yao! Namba tjitua huurwa i yovaapa; ovandu, nu tjinene Ovaherero nOvambanderu va uta oku hungirasana navi [ombembamwa] no ku uta okutjita otjina otjiwa oku rira otjivi, notjivi oku rira otjiwa motjimbe tjokuhuurwa ombepo no urizemburuka [omahimu-nunukiro womahupiro]. Katu tjina ouhona no uvara neha po otjoo mehi no mahu-piro [evyo] notjinga atua pandjara owini nousemba wokukara nowini mokuhupa kwetu [epungira]. Nungwari otja omundu porwandje metja terwa kutja: “Tja horoka uri maa tji vanduruka atjihe m’Ondanga”, m’Otjimbanderu puya pehungire Nguru-jao w’Ondanga – eye nguri Tjipa-ngandjara wa Katjongere tja Kahendjira watja:”Tja njuku uri maa tji njukuruka.” Ova-herero mavetja: “Tja rondo om-baze maa tji rondo omu- pindi.” Ohange ya Ndjambi nga i kare na ene orondu nambano mwa zuu! Pahasaneye, teza-saneye nu wina hurukueye mokutjita nao! Senior Pastor & Bishop Hiskia K.U. Ndjoze-Uanivi Omatupa, Namibia, Afrika