Ovanamutjemo va Nakaura Omakuturiro wa Kahuure

0
14

I Kae Matundu-Tjiparuro OTJOMUISE Orupa rOvam-banderu ndua uta oku tjiukwa otjo vanamutjemo rwa nakaura nomasa ngumakuzu omakuturiro wOtjiuru tjo Vahona, Erastus Kahuure, movyungura vye. Ombara yOvambanderu Munjuku II Nguvauva, Oson-daha otja tjivisire omakuturiro wa Kahuure otja koveta yOvam-banderu ndji patasanisiwa nguri Orata Onene. “Ami Ombara Munjuku Nguvauva II, Ombara Otjiuru yOuhonapare Oukwatera wOvambanderu imba metjivisa kutja Omutengwa Erastus T. Kahuure, ngwari Orata yOm-bazu Onene wOkarukondua kOmatoororero ka Rietfontein/Otjombinde wakuturwa kovyun-gura vye okuza kunai,” orutuu nduhina omunwe kembo ndua-hindirwe morungozi kozombuze Osondaha tjiyari 26 ku Seni-narindi marurese nao. Komu-rungu morutuu indui Ombara Otjiuru matja: “Ami mbanunisa ondiero indji ndjatoorerwe pom-bongarero yapeke yOtjirata Tjo-kombanda tjOvambanderu po-zomberoo ozonene zouhonapare mOmauezonjanda mOrukondua rwa Maheke Osondaha, tjiyari 25 ku Seninarindi mo 2006.” Orutuu indui rwaweza ko na rutja “epembe rozorata omurongo zombazu zOuhonapare Ouk-watera wOvambanderu wina ra-tierwe po mbongarero tjingeyo,” naruraisa kutja ozorata inda indano okuza ko Tjombinde nandano okuza ko Mongua.” ” Ondiero indji yakongorere owina povikando peke peke yozorata inda okuhina okuungura ovyun-gura vyazo mombazu pupaye-nene otja kozoveta Zombazu,” orutuu indui rwahaundjaura omakuturiro wozorata inda. Ovanamutjemo pombonga-rero yomuhoko pupari ape ovan-du 500 pombongo ya Africa Orit-javari ngurova vaire kumwe na vepetuapo po nawa ongahukiro kutja omuhoko wOmbanderu omburi ouhonapare nondiero oseinina motjina ihi inawo. Mu-nao Otjirata Tjokombanda tjOm-banderu otji tjihina ousemba wo-kuritiera okukutura Kahuure kot-jiungura tje nokuhina omatia-saneno notjiwana tjitje muzika mburi omuhoko auhe wOmban-deru. Ombongarero indji wina ya itaverere kutja Otjirata Tjokom-banda ka naa tjipingene omu-hoko wOmbanderu na itja ondiero ndjatoorerwe yokuku-tura Kahuure “ongundi mouri-zemburuka”. Yatjere wina omirari muya pitirire vina ovipunda ronda mokutja Kahuu-re nozorata zarwe omurongo za Tjombinde na Mongua nda-kuturirwe kave yapewa oruveze roku rihungirira mena rokutja kapeyarora nandarire okukara ombanguriro. Nandarire kutja Otjirata Tjokombanda tjina ou-semba mbutji natjo, ombon-garero indji yamunine kutja omuhoko wOmbanderu wasere okununisa kangamwa ondiero Otjirata ihi mbutjatoora. Yatjere Ombara yOvamban-deru nawina Otjirata Tjokom-banda kanaa putjazikire Ka-huure. Mombepo tjingeyo otji tjihina ousema wo kumukutura. Ombongarero indji ya pata-sanisire ousemba wOtjirata Tjo-kombada tjinga atjarira otjirata tjo morupanda nu munao otji tjihina ousemba waka tjotjiri nomasa wa katjotjiri. Ombongarero indji yamunine kutja omakuturiro wa Kahuure nozorata zarwe yaungurirwe mongaro yozombuku ndjihina nandarire tjimwe tjovinenge vyombanguriro ombwe ndjitan-dera koveta, ozongunde zouyara nombwiro movyoveta nozom-banguriro. Nandarire kutja otjina ihi otjina tjombazu pamunikire kutja wina ovatjevere vombazu mo Namibia, nu motjina ihi imwbi o u Honaparae wOmbazu wOmbanderu, una omerizirira okukongorera ozongunde zou-yara nokupandera puzo otja tjiza kamburwa mongundeveta yehi. Wina paraisirwe o u kahu po mbongarero indji kutja Onganda yOuvara ya Nguvauva kahona muyo oini posya ohona mena ro-kutja Ovambanderu ve ivara nao nu munao otjiina omezerira nu atjihe tjimaitjiti yasere okutji-horora kOvambanderu. Omasa wayo kayeri muyo oini otjongan-da nungwari yeri mOvamban-deru. Oyo yamunine kutja oma-kuturiro wa Kahuure inga otji-raisiro tjohepero yo ku hakaha-nisa otjiposa tjoku pirura oma-heya ngetja oveta yOvambande-ru yayakurwa kotjiveta iyo omu-hoko auhe wOmbanderu mo Mauezonjanda ombura ndjazuko.