Ohani ya Kotovara mOmbanderu

0
12

I Kae Matundu-Tjiparuro OTJOVAZANDU Ohani mOmbanderu ya honaparereko indu ombongarero ndjari amayiundjwa nozongama kutja nani maiyandja omuhunga aihina ya haamene nomind vivari mondjakaha yokutja oveta yOvamabdneru yayakur-wa kotjiveta iymuhoko poo inde atjihe atjihaamisa ombo-ngarero yatjo otjini. Ombara Munjuku II Ngu-vauva ngwaundjirwe nozonga-ma iyomuhoko we pOmun-guindi wozombongarero zomu-hoko wOmbanderu mo Tjom-binde tjavazere Orovyungura muno okuza kOtjijere komba-kero yo mukazendu wOnda-ngere yOmbanderu omuyaruke Mainjunguruka Ndjoze, waa-tere pomunguindi mainike uriri nakapita. Erastus Kahuure ngunda Otjiuru Tjovahona ku-tjiva mOmbanderu mbehiya-yakura oveta ndjikuza yayakur-wa iyo muhoko auhe, wari amaindjire ombara pomu-nguindi imbwi puna otjikumu-tundu tjOmbanderu. Ombara ndjatikirwe iyotu-wondja tuomatemba ngemuko-verere, ya tjakanenwe nonde-ngero ya katjotjiri iyo vakavire nawina otrupa. Tjiya tanaukire okuhita morumbo romunguindi otjivepo tjitjahingire oiri indjo yari kutja ongutukiro yeya komuhoko novakuru ozongu-mbiro zatjo vezezuvire. Indui nangwari rwari oru-roto rwomutenya. Nandarire okuheruka metemba rayo om-bara kana yarorere nu nandarire omanikasaneno no mukura-menepo wayo Kahuure yari meyuru no kupambaha oku tuurunga okuvaza Ombara. Tjandje ya koverwa iimbo mbemu kovera mbemwiisapo owao kourike wao. Nokuhina omambo omengi ombara kehi yovatoroke tjinga eraka re ariri engundi, yaraerere omukunamenepo wayo Kahuu-re kutja yee kuminika uriri nu oiri yombongarero tjinga ya tumbapara ovimbumba nga-vivaze ketuwo ku maku kahaa-mena ombongarero. Munao ombara nove mukovere otjiva tinyaukire. Omatinyaukiro inga yaye-tere ombameno pokati kovi-mbimba aviyevari no mambo ayerimbwa ombirahi. Ketuwo ombara kuyaire notjimbumba ombongarero yaombere nani Kahuure okeri meya. Kombu-nda ape yo iri Ombara otji ya-hindire oruhindo oku kaisana Kahuure. Eziriro ra Kahuure rari ekahu kutja eye kaerike nungwari uri puna otjimbumba iho ombara puyayata aikapita notjo matjiundjire ombara pomunguindi Ovambanderu puvehaama. Thinga tjina otjiva ro tjomasa wina katjina kuka-yenena metuwo. Ngunda ama peyandjwa ezi-riro komaisaneno wa Kahuure iyOmbara paputukire onyungu-nyungu tjiva motjimbumba tjopomunguindi tjiva havange-re Orata Ngondi Muundjua okukambura eziriro indi movi-kambure vyomambo. Monyu-ngunyungu Muundjua wa tonenwe notjihavero natauka otjinyo. Oporise ya yeurire Muundjua ngwaharere okurira ondjahe yomapindi vovana mutjemo kou umwe umwe nu mokuvetjurura ku Muundjua ayiumbu ozohanga ndatu mey-uru omundu auhe apaha ondjira ye. Eziriro tjirayarukire kOm-bara pakarere ongeyakeyero kutja nambano Kahuure tje-heripo ombongarero maika-enda komurungu poo inde? Mena rokutja metuwo wina mwari novature va Tjombinde okuzuva oveta yomuhoko om-bongarero ya kaendere komu-rungu. Tjandje indjo yopomu-nguindi ya kaenda rukuru Ombara okuza no ku tinyauaka tjayatere pomunguindi. Otjina tjimwe otjiwana tjo pomunguindi tjitja panderere pomunguindi omena rokumuna kutja mena rokutja ombara yapitira mu Kahuure okwiisana ombongaerro indji okutja munao wina yasere okuhaaama kehi ye otjo mukuramenepo wOmbara. Tjingetjo tjitjari ombongarero ya Mongua ndja haama kehi ya Karumendu mOndjiripumua nadarire kutja ovanamutjemo vavanga kutja Ombara ikahaame punawo otjovana mutjemo kOkom-bepera. Ihi otjina tjimakuzu tjari atjarama ondomba youna-ne wOmbanderu kumwe nga-nduu pombakero ya Tjijere pu-we rituvire okuhungirira kotjiu-na ihi. Koruseinina ombepo yetuwo ondja honaparere. Eziriro ra Kahuure tjiraya-rukire kOmbonagrero yOmba-ra oyo yapahere omuhunga komuhoko. “Matutjitivi?” ya purire nani ombonagerro ina ondunge ndjimaiyandja kutja ovimvumba aviyevari viye pamwe. Kakuna ondunge ya-zire mombonagrero indji na-ndarire kutja omuhungire umwe wakondjisire kutja om-bongarero irondere kepuriro rOmbara indi atjiha sewa ko-mbara kutja oyo ngarire ndja-tuapo. Mehungi rayo Ombara yani-ngirire omuhoko okukongorera oveta nawina okuvatera ovana-ne vomuhoko muyo. Ombara tjiyazire nehungi rayo omu-haamise wombongarero, Orata Onene Ludwig Karumendu, wapaturuire ombongarero ko-mapuriro ohunga noveta. Omapuriro tjiyeri omnengi ohunga noveta yari rimwe poo yevari. Kutja otjiwana tjina ounongo mbwayeyene ohunga noveta indji poo nganina ka-tjina kwiitjiwa kaparukaze opu tjihina tjapurire omapuriro kapena kutjikwa. Mohani ndjiripo yaririre ohepero kutja oveta indji i haundjaurwe komuhoko nu munai ondjendero yayo novi-nenge vyayo avihandjaurwa. Ombongarero yo pomu-nguindi movingi vyarwe ya-kutire kutja mapemunika ayo kapena ondjira yarwe pendje noku kaenda komurungu notjiposa tjokutja oveta iyandje oumune wayo kutja hapo oveta yOvambandeu ndjikuza yaya kurwa iyOvambanderu otjo tjiri?

SHARE
Previous articleMalirundiro Taga Tameke
Next articleHorticulture Problems