Ovature va Eiseba Vavaza Kahuure

0
7

I Kae Matundu-Tjiparuro OTJOMUISE Oruhindo romasa rovature va Eiseba mOkarukondua komatoororero ka Tjombinde kaherukire Oritjatatu mOtjomuise mozongondjero zokuhakaena no Mutjangerepo wo Ministeri yOtutumbo nOvikunwa, Omeva nOmahwa, Maveipi Kahuure. Erero mombari yomapeta Oruhindo indui romasa wovandu ape o 30, kehi yovanane vombazu Omuhona Ngavetunue Musupi nOrata Kanduvee Katjiteo, nawina omunane worutu rovatuta rwo rukondua indo, o Eiseba Farmers Association (EFA), Kaputara Hange, rwari ama ruhakaene na Kahuure ohunga no matungiro wovyunda vyo marandisiro vyarwe pomuvero wa Katumba iyo rutu rwovatuta rwa Pukiro, o Eastern Epukiro Farmers Association (EEFA). Ovyunda imbi nai viri mo matungiro no u zeu wo vature va Eiseba okona o EEFA kuyaisa o usemba wo kutunga tjinga ovengi ku kwasere okuza o usemba iwmbi ave hiye uyand-ja. Otjiuru tjo EEFA, Karii Marenga, tjapurwa omirari ma kayenda okumuna o usemba wo kutunga wapanda watja oku zira nganduu tjazuu kutja ovyunda imbi mbyatungwa rukuru nai mbiri kehi yorutu rovatuta rwa Eiseba, o EFA, vya pitira mo mikee rari tjivyatungwa. Ondimwa yomananasaneno inga ngee kukara pokati kOvature va Eiseba nu tjinene va Katumba no EEFA, omarandisiro wovinamwinyo mo Eiseba. Muwo muza otjimariva tjitjisutia mongombe aihe ndjarata natjii korutu rwovatuta. Mena rokutja o EEFa ondua vasewa orutu rovatuta mo Eiseba mongwatero o EFA tjiyakwatuaa iseba otji rwa uta oku hanasana omayuva womarandisiro kuna o EFA. Munao omatungiro wovyunda iyo EEFA ovature va Eiseba nguvehina ohange nayo otjiyena ehi rokongotue romanasaneno ngekarapo pokati kotutu tuovatuta atuyevari itui. Indui o rwa Eiseba rumuna kutja na mbano o Eiseba otjorukondua rwa hara orutu rwaro oruni rwovatuta nu munao o EEFA otjii hasere okuradisira mo Eiseba. Vemuna kutj yasere okuyandera ke Pukiro kuya utirwa. O EEFA munda imbo wayo itja ina o unepo mo Eiseba. Kutja o unepo imbwi okurandisira mo EFA u tjayerwa itjike kape kahuka. Otja komazeva wehika rorukondua rwo vatuta, o Epukiro Regional Farmers Union (ORFU), nawa atjarira outu rumwe rovatuta pona apehe.