Omupresidende Pohamba A Takela Omunwe Aaniilonga Aanyenge mEpangelo

0
11

WINDHOEK Omupre-sedende Hifikepunye Pohamba okwa takele omunwe aani-ilonga yepangelo mboka aa-faule naanyenge, ta ti okwa hala onkalo ndjika ya nkundipaleka omayakulo gepangelo yi thelwe okalambo. Dhika okwe dhi popi pe-thimbo lyoonkundathana no-ohamushanga aakuluntu muuministeli wayooloka mOmaandaha, mpoka a pula aanambelewa mbaka aaku-luntu ya gandje oshiholelwa shiilonga ya ndjunguka notayi eta po sha mepangelo niikondo yepangelo. “Omu na okuvudha mo uumbwigi wonkalo kehe ya ni-ka okulaata kiigongi, okwaa-simaneka iilage, okwaagalula oongodhi oshowo okwaa-yamukula oombapila,” omutse gwepangelo tagu ti. “Peha lyokulonga iilonga yawo, oto ya adhika ashike ye li omutumba moombelewa dhawo taya lesha iifokun-daneki, nenge ye li mon-doolopa pethimbo lyoowili dhiilonga, taya ningi oonge-shefa dhawo dhopaumwene nenge taya endagula ashike noombelewa taya piyaganeke yakwawo. Aantu mbaka ihaya longo oshindji, nohaya keelele yakwawo ya longe iilonga ya-wo,” omupresidende ta yelitha. Okwiindile oohamushanga aakuluntu ya shilipaleke kutya oshigwana osha mona oma-yakulo gongushu yoshimaliwa shoka hashi futu. Ta ti aaniilonga oyendji ohaya kala ashike taya kongo omikalo dhokulya sha moshikefa shepangelo peha lyokugandja omayakulo ga pumbiwa. Omupresidende okwa holola wo elimbililo lye shi nasha neindjipalo lyaaniilonga mepangelo, ta ti oshilongo shaakalimo omiliyuna yimwe oshinkwanu hetatu, Epangelo oli li omugandji gwiilonga a shiga ko. Omvula ya zi ko oshi-maliwa shiifuta yoondjambi dhaaniilonga odha li oopelesenda 43.2 dhomomutengenekwathaneko goshimaliwa shokomumvo kokutya oombiliyuna ntano oshinkwanu ntano (N$5.5 billion) dhomoombiliyuna 12.8 (N$12.8 billion) dhoshimaliwa ashihe shomumvo ngoka. Elongitho lyoshimaliwa nga-shingeyi inamu kwatelwa oondjambi oshi li nale N$9,8 billion ano oopelesenda 56,1. Oshimaliwa shi thike mpaka oshindji noonkondo koshi-longo opo tashi putuka, shoka tashi kambadhala okwaadha omalalakano gomapendulopo gasho ngaashi ga thanekwa mOndungethaneko yomumvo 2030 oshowo ndjoka ontiyali yomapendulopo goshigwana (NDPII). “Onkalo ndjika kayi li nawa, oshowo uuwindji waaniilonga mepangelo oyendji sha pitilila,” omupresidende ta ti, no-kugwedha po kutya onkalo ndj-ka ihayi monika wo nomii-longo mbyoka iiyamba. Omukundu gwaaniilonga oyendji mepangelo ogwa zi monkalo yuukoloni, oshoka Aanamibia oyendji okwa li ya patelwa pondje paempito dhiilonga mepangelo ekulu. Okuza ashike pemanguluko aantu oyendji oya tameke okukutwa mEpangelo. Shika otashi ti mboka ya li mepangelo ekulu oye li natango moombe-lewa dhawo nongungu onene oya gwedhwa kaaniilonga mboka ya kala mo nale, shoka sha etitha onkalo yopethimbo ndika. Kakele oohamushanga aakuluntu oya pulwa kOmu-presidende ya talulule onkalo yaaniilonga yawo opo ku shili-palekwe omayakulo gond-jungu noga dhoga omol-wuuwanawa woshigwana. “Mokuhwepopaleka egandjo lyomayakulo gongu-shu otashi pula omukalo goku-tala ashike komalandulathano nomikalo dhopambelewa, nokukonga po omishingo omi-pe dhoka tadhi simaneke oom-pumbwe dhoshigwana ongo-shilalakanenwa shotango,” omupresidende ta ti. Omupresidende okwa tsu omuthindo iilonga yuupondoli nelongitho lyoshimaliwa muuministeli kehe mooprojeka nooproholama dhoka tadhi likolitha sha oshigwana. “Egandjo lyomayakulo gepangelo koshigwana inashi kala omuntu a fa e wete a adha po, nenge omayakulo taga gandjwa pamikalo dhuu-lingilingi moshilongo shika, ihe oshigwana shetu oshi na uuthemba okumona omaya-kulo ngoka,” osho ta ti. Moonkundathana dhoka oohamushanga aakuluntu oyendji oya tsu kumwe noo-hapu dhOmupresidende, noku shi zimina kutya ope na shili ompumbwe yoonzo dhopa-shimaliwa dhoka moonkalo odhindji hashi yi moshipala etulomiilonga nawa lyo-oprojeka dhawo. Onkee osha simana kuyo okushoneka ooproholama dhoshigwana dhi gwanithwe po tango no-kamaliwa hoka ye na po. “Tse otwa eta po omathaneko gelundululo, ihe otaga ende kashona omolwetompelo ndika… eshongo lyuuwindji waaniilonga yepangelo osho-wo yilwe otayi nkundipaleke wo oonkambadhala dhoma-pendulopo omolwompumbwe yoshimaliwa,” osho Steve Kat-jiuanjo gombelewa yOmu-primaminista ta ti. Ota ti oshilongo osha kala tashi ungaunga nuuwindji waaniilonga mepangelo me-pingathano neshongo enene lyaantu kaye na iilonga moshilongo, mboka ya thikama po moopelesenda ngashingeyi 30. Katjiuanjo ota ti kakele komalunduluko ngoka taga ningwa miilonga yepangelo, natango ope na omikundu dhilwe dhi nasha nuuwindji waaniilonga mepangelo oshowo edhengo lyiifuta yoondjambi komutenge-nekwathaneko goshimaliwa shokomumvo. Kakele, omathaneko otaga ningwa opo onkalo yelongitho lyoshimaliwa yi kalekwe kohi yoopelesenda 40 dhoshimaliwa shokomumvo. Shi nasha nompumbwe yiilonga yuupondoli, okwaa-neihumbato nawa miikondo yepangelo, Omupresidende okwa ti oohamushanga naya kwatele komeho, naashika otashi ka kumika aaniilonga ya-wo ya kuthe oshiholelwa oshi-wanawa nokulandula moom-padhi dhawo. Oshikwawo okwa tumbula oshinima shomukalondjigilile gwaantu ye wete ye na uuthemba okukala miilonga yepangelo. Omupresidende okwa koneke wo omauyelele ga gandjwa kaanambelewa mbaka shi nasha nonkalo, nokwa holola etegameno lye kutya oohamushanga otaya kala aluhe nokugandja oma-yamukulo kOkabinete shi na-sha netulomiilonga lyoma-tokolo gopamilanduveta.