Ovimbumba Vyavirikiza Ondangere

0
9

I Kae Matundu-Tjiparuro OTJOMBUINDJA – Ovimbumba novimbumba okuza komikunda avihe vya Namibia ngaanduu komahi wozonganda o South Africa na Tjauana kukuna ozondekurona zOvaherero nOvambanderu, Osondaha ndazuko vyayandjere ondjozikiro kondangere yOva-herero, Katjiritjaa Mungendje Osondaha ndazuko muno mon-dua yotji Mungunda kuya-kotokere kwiihe omunene Aaron Samuel Mungunda. Ondjozikiro indji yautira Oritjavari rotjiveke tjitjazuko ko Mutumbawozoserekaze on-dangere kaa itiza omuriro wao wotji Mungunda nOritjaine aikara mOtjomuise ondangere muyakapitirire okuyenda kEkun-de ra Tjambi. Mo Tjomuise yaya-tere po komando ovimbumba mumwari womuzaro womarapi ayeetatu puvye muvirikizire nokumutika nonderera, ombimbi nozondoro. Ovengi peke peke mozom-binika zao Oritjatano mOka-handja vazerire ohange nani on-dangere nambano otja tjiyaka-haama mekoro rovati noo ihe maisora okuvasisa ouhepe wao. Ohange indji ondangere Mun-gendje waura nayo motjiungura tje tjoundangere nganduu komu-rungu wondiro ye. Yari onga-hukiro wina kovengi mozom-binika zao kutja okuura kovati uriri ngunda otjiwana otjini momwinyo watjo atjihiyatanda ohange kapena okuvatera. Umwe yaimba yari orata Kat-jaimo wa Vitoto ngwatjere ohan-ge yasere okuza ku imba mbase-wa nomwinyo natamuna ozom-bara novana vito mopolotika. Omuhona Ngauva Kazongo-minja wina wawirire mondjira tjingeyo naraisa kutja eraa rohange karisere okuraewa ko-vati nungwari otjiwana ihi tjina omundu kutjaraewa ngwa-zikirwa ko Kahitua noku kwaserwe okupurwa ohange yotjiwana ihi. Ombara Tjipene Keja wamunine kutja otjina tjaunda motjiwana tja Tjamuaha/Maharero notjini otjitjasere oku-rituna. “Tjazunda oviwana ovi-wana kavizundakere,” watjere naweza ko kutja onganda ya Ma-harero “ondjiri navi ngairitune”. Ombara David Kambazembi watjere ondangere yaveruka nmbasewa nomituaro ova-namwinyo. Watjere eyuva indi otjiwana mumatjivirikiza on-dangere ondasere okurira wina eyuva ratjo okukuta omutuaro wohani. “Kutireeko omutuaro tjimatuzumba tukatje tuakapaka ohani,” Ombara Kambazembi watjere. Omuhona wOva-kalahari Litabwe watjere kanaa pekare ondjozikiro ndjapwire ondangere Mungendje pendje nokuungurira ombango non-dando ye. Ombango indji yari ohange. Orovyungura, Omuhaamise wOvihavero vyOtjirata Tjouvara wOvaherero, Fanuel Tjombe, wazemburikisire ovanane okuhina kusuvera okuyaruka kovikapite natja ndoovazu ondangere yari nondando ombwa, okutja otjiwana ngatjiitoorere ondando yayo ombwa indjo ondangere puyee kwiirarisira okwiituara ko-murungu. Watjere otjiwana atjii-ririre okuuta natjisepewa iimba mbahorera kutjo. Watjere okuuta kaupupu nu ndoovazu otjiwana tjautu ngatjisuvere okutara iho tjitjauti komurungu. “Onyama ndjayahwa omukwenu toora ukarye otja kaiyaherwe iyove,” eye wayandjere ondunge indji. Ombara yOvaherero wanin-girire okurira tjimwe naningire kutja tjituepehi ongaro yezumo nohakahana natja imba mbat-jivirwe ondangere Mungendje nambano ooruveze rokutja ngaikaende nawa. Watjere yatiza ombazu nongaro yomuhoko na itandavarisa omahongero wayo noutakame motjiungura tjayo nokuhina okuripurira kuyo oini.Watjere eye tjimapakwa nai kekna kutangwa nungwari otji-wana matjinyandere ovyungura vye. Ombara Riruako wina watjivisire kovati mOkahandja kutja ingwi ngwee vehakanisa kuna otjiwana kepo rukwao uri mondjira okuya kuwo navihe mbyasere oku kahepura ma kahepura. Tjipazire omahungi wo-zonduna orupyu rweke ova-honge vahitire metuuwo roko-mando ondangere muyari amai-virikizire mouyenda wayo ou-seinina kOtjombuindja. Ova-honge tjivapitire otjiwana atji-virikiza ondangere. Ngunda otjiwana ama tjivirikiza tjandje ovotrupa maveyana maveitavere ombimbi navetono ondoro. Omwano imbwi ondangere ombuya pitire nawo metuuo okukaronda metemba.

SHARE
Previous articleCycle Tour Turns 21
Next articleAvis Sluice Gates Open