Omashongo mOshikondo shUundjolowele Nuumvo

0
15

TSUMEB – Omupenhaminista gUuministeli wUukalinawa nIilonga yOnkalonawa yoshig-wana, Petrina Haingura, ota ti oshikondo shuundjolowele moshilongo osha taalelwa kii-homoni oyindji ngaashi oshig-wana tashi kulupa, omaindilo ogendji ge nasha noma-yakulo gondilo gopaunamiti oshowo ompumbwe yi kenyeneka yaaniilonga yopaunamiti. Omashongo ngaka opo ga monenwe ekandulopo, Epangelo oli li momalongekidho okuwa-pekulula omayakulo gopauhaku, kakele shika otashi vulu okweeta po omalunduluko ogendji ngele aanashilonga ayehe tayi itula mo mosheetwapo shika. Omupehaminista okwa pula aaniilonga ayehe yopaunamiti mepangelo ya kale ya pya-kudhukilwa iilonga yawo no-kutala ko okwiithanenwa aavu ongoshinima shomeendelelo okuhupitha oomwenyo dhoka tadhi pumbwa esiloshimpwiyu lyopaunamiti. Oti indile oshigwana shi dhiginine uund-jolowele washo, okupitila mo-madhewo nokulya iitungithilutu mbyoka tayi ya gamene komikithi. “Shika nashi kale oshitsa shotango okuyanda omaupyakadhi gopaukalinawa ongonkatu yokwiigamena. Epangelo oli na oshinakug-wanithwa okugandja omayakulo kaavu, ihe tseyene tango natu kambadhala okuyanda omikithi, oshoka mo ku shi ninga omukalo gwegandjo lyuukalinawa otali ka eta po omauwanawa ogendji.” Ota ti omaihumbatonayi gaaniilonga yamwe miipangelo omvula ndjika otaga ka katu-kilwa onkatu. Meme Haingura okwa takele omunwe aapangi naanambelewa miipangelo nuuklinika mboka haya ndopa okugandja omayakulo kaavu yawo. Ta ti oshilongayakulo sho-paunamiti osho eithano oku-gandja ekwatho, ohole nesi-loshisho, oshowo ompumbwe kaaniilonga yopauhaku okuulika ombepo yuukwashigwana, olu-keno, ohenda nokukaleka po ekwatathano ewanawa naavu oshowo aayakulwa kehe. “Aakwashigwana otaya nyenyeta kombinga yomikalo omiwinayi, oshowo iipangelo nuuklinika ya nigila. Oshigwana otashi ti oshilongayakulo shei-thano lyuupangi osha uka kon-kalo ombwinayi, nonkalo mo-mahala guundjolowele kayi na uukalinawa na itayi vulu okutaambiwa ko. Alikana aawopaleki, omu na oku-wapaleka naanambelewa mbe-steleni iilongitho yokuwapaleka, ne aakuluntu omu na okusa oshimpwiyu shokuunganeka iilonga yeni nawa.” Omaupyakadhi ge nasha nekako, ohaga konekwa unene pethimbo dhomuloka shoka omalugumbo giipangelo nuukli-nika haga kala kohi yomwiidhi. Omukundu gwiihauto hayi nana akuhe (4X4 vehicles) miitopolwa oyindji oshi li wo endangalati enene okufala omayakulo unene kiitopolwa yokomikunda. Ta indile oolaata dhomalelo gii-pangelo miitopolwa dhi han-ganeke oonkambadhala oku-gandja omayele komahala guukalinawa ga kotokele omaupyakadhi gopaundjolowele miitopolwa mbyoka yi li kohi yoshimpwiyu shawo. “Otwe shi koneka kutya ekuthombinga lyoshigwana momutungilo guundjolowele oshinima sha simana, nuu-ministeli wetu owa katuka oon-katu okupitila meuliko lyomalutu omagandjimayele okushilipaleka kutya aakwashigwana oya kutha ombinga momatokolo ga guma uukalinawa. Meme Haingura ota ti uuministeli we owa tula po ekankameno okuyambidhidha aanegumbo yayooloka, okushili-paleka elongo lyuupangi kwaa-yehe, negandjo lyomayakulo ge-siloshisho paumwene kaagund-juka naakulupe. Ta gwedha po kutya oshilonga she muumi-nisteli wuuhaku okuuva ko omashongo ngoka nokulongela kumwe naanambelewa okusinda iihomoni mbyoka.

SHARE
Previous articleCycle Tour Turns 21
Next articleAvis Sluice Gates Open