Ongeleki Ya Indila Epangelo Omaukwatya gEkuthoko lyEvi

0
19

WINDHOEK OMUTUMBA omunene gOn-geleki yaEvangeli paLutheri moRepublika yaNamibia (ELCRN) ogwa holola elim-bililo lyago shi nasha nomukalo ngoka oofalama dha shonekwa tadhi kuthwa ko/landwa po kepangelo, tagu ti omukalo ngoka otagu eta ombepo ye-vundakano moshinima shelun-dululo lyevi. Ongeleki otayi ti elandula-thano lyelundululo lyevi olya nika evundakano oshoka kape na omaukwatya gu ukilila ga tulwa po kEpangelo shi nasha nokuhogolola mo oofaalama dhontumba dhoka dha sho-nekwa okukuthwa ko kepange-lo. Onkee Ongeleki otayi indile Epangelo li tule po omaukwa-tyautho ga yela omolwuu-wanawa woshigwana, ngoka inaga kwatela mo omakuy-unguto gaaniilonga oshowo omahololomaiyuvo koshig-wana. Omutumba ngoka omuti-21 gwa gongalele mOliindili oma-thimbo ga zi ko ogwa ti emo-niko lyiipongo (omasipa) gaa-ntu ya fumbikwa moombila oyendji ngoka gi itsuwa mo-Nooli, osha nika oshiponga konkalo yedhiminathanopo lyopashigwana moshilongo. Omutumba otagu ti aantu ayehe mboka ye na omauyelele taga vulu okukwatha shi nasha naantu mboka ya fumbikwa moombila dhoka, naya popye nokugandja omauyelele ga pumbiwa. Omukanda kiikundaneki ngoka gwa tumwa metitatu, Omumbisofi Zephania Kamee-ta okwiindile Aanamibia ya ye moonkundathana dhoshili pandondo yopashigwana opo ku vule okuungaungwa nondjo-konona yiihuna nuuwehame oshowo okwaadha edhimina-thanopo lyolela notali kalelele netungopo lyoshigwana. Eindilo lyongeleki shi nasha nomasipa gaantu ya fumbikwa moombila oyendji, olye ya konima ashike sho Omupresi-dende Hifikepunye Pohamba a ningile eindilo lya faathana omathimbo ga zi ko momasiku 10 Desemba moka mwa dhim-bulukiwa Esiku lyUuthemba wOmuntu oshowo Esiku lyOo-meme. Omupresidende Pohamba okwa londodha aakwa-shigwana yaNamibia ya kale nuuhwenge/onge niihuna ya tsakanekwa kaantu, nokwaatol-okana iilalo mbyoka ya kutha ethimbo ele okwaaluka/oku-pola. Omupresidende okwa ningi wo eindilo kaantu mboka ye na omauyelele ge nasha naampoka pwa fumbikwa aantu ya popye opo oshitopolwa shika shondjokonona yekondje-lomanguluko shi vule oku-hulithwa po. Omumbiisofi Kameeta ota ti Oshigongi osha holola wo ehalo lyasho opo omasipa gaantu mboka ya fumbikwa moombila oyendji, ya ningilwe efumbiko lyolela nolyopauntu. Kombinga yedhiminathanopo lyopashigwana, Omutumba ogwa holola olupandu koma-longekidho ga ningwa shi nasha nedhimbuluko lyomim-vo ethele dhiihuna nomadhi-pago ga ningilwa Aanamibia mboka ya sila pokantuntu Shark Island pOliindili. Omatokolo gamwe ga ningwa pOmutumba ngoka oge nasha nuufuthi niilonga yuulingilingi moshilongo, omapangulathano gopami-hoko, etulomiilonga lyOshi-maliwa shEpangelo, oshinima shevi, oHIV/AIDS, ompumb-we okugamena aantu mboka ya pumbwa ekwatho mo-shigwana, omakwatathano mongeleki yawo, omatalelopo oshowo Uukumwe wAakwa-lutheri moNamibia.