Ovenduka Itayi Ka Kala Nomahala Momumvo 2015

0
33

WINDHOEK OSHILANDOPANGELO – Ovenduka okwa tegelelwa yi ka dhengwe kompumbwe yomahala gomavi gomagu-mbo okuthika momumvo 2015. Aakalimo yomoshila-ndopangelo otaya koko noopelesenda 4.44 omol-wembombolokelo lyaantu taya kongo uuhupilo wu li hwepo okuza kiitopolwa yokomikunda, naashika osha etitha Oshilandopangelo shi tengeneke kutya otashi ka taalelwa kompumbwe yoma-hala gomagumbo momumvo 2015. Pethimbo ndika aakalimo yomoshilandopangelo oye li 233 529 pamakonakono ngoka ga ningwa okutala kutya omahala gethike peni gomagumbo oshowo guu-nangeshefa taga monika pethimbo ndika. Ekoko lyaakalimo tali endelele unene olya etitha iiyakulitho yaMuni oshowo omayakulo ga nane nondatu. Omatengeneko otaga ti kutya Ovenduka otayi ka kala naa-kalimo 500 000 okuthika momumvo 2015 ngele oshig-wana otashi koko pomuthika ngoka tashi koko pethimbo ndika. Molwaashoka oshila-ndopangelo osho onzo yuu-nangeshefa nuunafambulika moshilongo, shika otashi hokitha wo aantu oyendji ya mbomboloke ko kiitopolwa yokomikunda nelalakano lyokukonga iilonga oshowo omahupilo ge li hwepo. Kakele, paempito odhindji omategameno gaakongi yiilonga ihaga ningi oshili, nolundji oya hulile ashike momapandaanda kaye na iilonga nokukala momalu-kanda giinyakwi, unene ngoka taga adhika muum-bangalantuninginino woshila-ndopangelo. Aanawino okuza melelo lyoshilandopangelo oya limbililwa kutya omayakulo gaMuni oga halika noon-kondo shi vulithe egandjo lyomayakulo ngaashi, omahala gokukala, omeya nolusheno oshowo galwe. Omunambelewa omukuluntu goshilando shaVenduka, Niilo Taapopi, ota ti: “Okuza mo-mumvo 2003, oshilala-kanenwa shomahala gokukala kumboka ye na iiyemo yo-pombanda noyopokati inashi vula okugwanithwa po,” osho a tseyithile aapendulipo yo-shilandopangelo mOven-duka. Iinima mbyoka ya eta eka-tasho mushika oya kwatela mo elondeko lyiihohela yoombaanga, ekoko lyondoo-lopa, ehedhitho lyomapen-dulopo giitopolwa yo-komikunda ndyoka tali ende kashona, shoka tashi etitha aantu ya kale inaya hala okuza mo moshilandopangelo omolwuuhupilo wa nkun-dipala miilando yilwe nomi-kunda. Omimvo mbali dha piti (2003-2004), mOvenduka omwa li omahala gomagu-mbo taga monika nokula-ndwa kaantu paumwene. Ihe ngashingeyi osha konekwa kutya aakwashigwana yowala itaya mono we oopolota/omavi, oshoka oopolota od-hindji odha landwa po kon-dilo kaaniimaliwa pethimbo lyoofanditha dhomavi. Pethimbo ndika, omalu-kanda giinyakwi otaga pula komeho ngashi Okahandja Park (mOvenduka) olukanda ndoka talu koko natango. Omunambelewa e nasha nomathaneko gOmapen-dulopo, Harold Kisting ota ti edhengelo lyoombashu shaa li paveta oli li omukundu gwa taalela oshilandopangelo gwa faathana ashike nondilo yokuyambula po onkalonawa yuuhupilo waathigona. Pemanguluko mOvenduka inamu kala nando omalu-kanda giinyakwi, ihe okuza mpoka oombashu odhi idhi-ndjipala okuza 14 000 sigo 23 000 momalukanda, noopele-senda 60 dhaakalimo yomo-shilandopangelo oye li aathigona. “Momahala 3 000 omwa tulwa iiyakulitho, ihe natango aantu otaya dhengele oombashu shaa li paveta,” Kisting ta yelitha, nokug-wedha po kutya oshikondo shawo ohashi landitha omavi komahangano ge nasha nomagumbo peha lyoku-landitha kaantu mboka itaya vulu okulanda omavi. Onkalo oye shi ulike kutya onkalo yokwaaidhidhimikila edhe-ngelo lyoombashu shaa li paveta odhigu okutulwa miilonga, oshoka aantu yamwe ohaya dhengele oombashu uusiku, shoka sha eta shi ninge oshidhigu okutonatela onkalo ndjika, Kisting ta ti. Meya gwaVenduka, Matheus Shikongo naye okwa holola wo uupyakadhi wu nasha nembombolokelo lyaantu mOvenduka. “Yak-wetu natu kwateni moshipala aantu kaye ye we mOve-nduka. Otatu vulu oku shi ninga pwaa na okutaaguluka Eko-tampango, uuna tatu ende-leleke omulanduveta gwehe-dhitho lyomayakulo kiigwana yokomikunda. Alikana natu sitope okuya kOvenduka,” osho Shikongo ta indile. Okuniwe uumbanda kutya otashi vulika oonzo dhomeya dhi ka pwine, nonando Nam-Water nOshilando shaVen-duka ya tameka okuninga omakonakono gokuhupa ondama onene yokukwata omeya ngoka ge na okuku-thwa okuza komulonga gwa-Kavango. Aakalimo otaya indilwa wo ya ndalapatele omeya. Omupehameya gwa-Venduka Elaine Trepper ota ti othina moshilandopangelo oya etitha iiyakulitho yi longe nuudhigu. Oshikwawo oto adha egumbo limwe mu na aantu 20 nenge oyendji, onkalo ndjoka hayi etitha ominino dhomeya gohanya dhi thite. Molwashoka aantu oyendji mboka ye li aathigona ihaya futu iihohela yomaliko notekisa, omuyalu gwawo ogwa ya pombanda shi vu-lithe oshimaliwa shoka Muni ha mono okuza kumboka haya futu.