Omuhoko gwAakwankala gwa pewa iimuna niilongitho yomomapya

0
18

SKOONHEID OMUPEVIPRIMA MINISTA Dr. Libertine Amathila okwii-ndile oshigwana shomuhoko gwAakwankala poSkoonheid, mboka ya pewa omagano giikwathithi yopaunamapya oshowo iimuna, ya longe nuudhiginini. Omundohotola Amathila eindilo ndika okwe li ningi pegandjo lyoongombe 20, oondoongi 10 niilongitho yomepya/iikwamatemo 15 koshigwana shika mEtitano lya zi ko. Oonkwandambi oshowo iilongitho mbyoka okwa li ya gandjwa omagano kUuminis-teli wUunamapya, Omeya nOmakuti. Mokupopya poshi-tuthi mpoka, meme Amathila ota ti Epangelo olya tseya on-kalo moka oshigwana shAak-wankala tashi lumbu nokumo-na iihuna koluhepo. Ta gwedha po kutya ewanawapaleko lyonkalo yomuhoko nguka nali kale oshinakugwanithwa shAa-namibia ayehe okushilipaleka kutya Aakwankala oya pen-dulwa po ya kale pomuthika gumwe nomihoko omikwawo moshilongo. Pauyelele we, Amathila ota ti, egandjo lyiimuna niilongitho oshi li ekatukonkatu kuuminis-teli mboka okukwatha oshig-wana shika poSkoonheid shi vule okuhwepopaleka uuhupilo wawo. “Shi konekeni kutya oon-gombe dhika odha nuninwa okumunwa oshowo omalala-kano gokupulula, ihe kadhi shi dhokutselwa,” osho omupeha-primaminista a gunu oshig-wana shoka. Amathila ta indile oshig-wana shoka sha pewa omagano shi longithe nawa iilongitho niimuna. Ta ti: “Otandi ka ga-luka ishewe ndi mu etele oma-gano, ngashingeyi omu na okulonga nuudhiginini naasho-ka mwa pewa nena. “Tu ulikileni iizemo iiwanawa yiilonga yeni. Inandi hala okuuva taku tiwa oongombe odha kana, nosho tuu…” Amathila okwa tsu omu-thindo kutya ngele omuhoko nguka gwa pewa omagano itagu yi longitha momalalakano omawanawa, nena otaya kala aathigona aluhe. Omupeviprimaminista ta yelitha kutya onkalo yuuhupilo wawo yi li nawa oyi li miikaha yawo yene, onkee oye na oku-longa nomazigudhe opo ya hwepopaleke oonkalamwenyo dhawo. “Omu na oku shi tseya kutya egandjo lyiikulya komihoko dhAakwankala okuza miigadhi yepangelo kashishi oshinima tashi kalelele, naishewe kagu shi omulanduveta tagu opalele. Ooproholama dhegandjo lyii-kulya komihoko naantu moshi-longo odha nuninwa ashike omathimbo giikungulu oshowo iikukuta, onkee okupitila moonkambadhala dhika ngaa-shi ndjika yonena, Epangelo olya hala okushunitha pevi omikalo dhegandjo lyiikulya yoshali, unene komuhoko gwAakwankala,” Amathila ta ti. Pokati mpoka, Oshigongi shAaleli yOpamuthigulul-wakalo sha gongalele omasiku ga zi ko mOvenduka, opwa hololwa omanyenyeto shi nasha nomaupyakadhi ga taalela Aakwankala miitopolwa yayooloka moshilongo. Omikundu dhimwe dha etwa puuyelele ongaashi on-kalo yoluhepo, ompumbwe ye-longo oshowo iiyakulitho yo-paundjolowele, elongithonayi lyiingangamithi niikolitha. Otaku popiwa wo kutya aanambelewa yokukaleka po oveta nelandulathano moshi-longo oshowo aanambelewa aakuluntu ohaya yi miihulo nuukadhona womuhoko gwA-akwankala. Shika ohashi ningwa unene moku ya heka niimaliwa nenge okulongitha iikolitha nii-ngangamithi.