AE║GAMS – Namibia║în, !garo!ā tsî kai!ā ׀kharigu !nâ hân hoan ge ׀gū║ae ╪am ╪gan׀gaub omna a hōbasen ║khā, hânas Vela Building Solutions Namibiab dis hîa ╪am ╪gan׀gaub omna kurus !nâ !khana hâsa Namibiab omkuru ╪haruguba nî ║haos karao.
Omn ge kaise ׀gapi ׀gause ra ╪gan, !gōsase kai!ā ׀kharigu !nâ ║în ra ╪gan!anhe tsî !aru׀î a ûibasen ║oa tamas ka io ¬║în ╪hunuma hâ!khairo-e a ║amabasen ║oa xui-ao. ׀Gapi ╪gan׀gaub, !hū!âdi ׀gapi ╪gan׀gaub tsî omūxūn tsîn ge ra !aroma ║aegub ׀nōb ai ra ûi Namibia║în omna ║amabasens ║khāsiba xu ra ║ara╪uihe !khaisa. Louis van den Bergi, dana sîsen╪uira mâisab, Wispeco Namibias, hîa 50 persentgu ׀honkhoesisa Vela Namibias !nâ ūhâs dib, ge ge mî Vela Building Solutions ra sī!nâhe ║khā ╪gan׀gauba ūhâ omna kurusa tsî ║khāti !gâi!gâi!nâsa ׀gaub !nâ.
Van den Bergi ge nēsa ║gau║gaus ase nî ī oms hîa 43 haka║hôabe metergu kaisiba nî !khō╪gās di !gao!gaoba ║hōs ║axasib, Windhoek Show Groundsgu tawa ╪oago wekheb Wunstaxtsēs ai ge hâ ib tawa ge mî.
43 Haka║hôabe metergu kaisiba ūhâ oms ge sao rana nî !khō╪gā, ׀gam ║om!nâ!nā-omra, ╪nû!nâ!nā-oms, sâi!nâ!nā-oms tsî ║khowa-amsa !khaib tsîna tsîs ge ║îsa N$150 00 ׀guisa nî ╪gan. Van den Bergi !oagu dig e nē omdi ╪gan׀gauba a ╪am, ║în ra suwu ╪gan׀gauba ūhâ xawe ׀gaisa tsî ╪gao׀khāsa !harib ai hâ omūxūna sîsenū amaga. Oms !aroma hâ ╪gan׀gaub on ge suwuse ra ╪gan, ׀gui omsa kurutoas koro omaon ׀guina ╪hâba hâ tsî !nona wekhegu ║¬aeb !nâ ra omtoahe xui-ao.
║Gau║gaus ase nî ī oms ge 28 Tara║khumu║khâb dis ai!â nî dītoahe îs mû-aon hîa ׀Ae║gams ║Gau╪uidi tsî ╪Garib ║Gau╪uidi din !aroma ╪homisase mâ. Nē omdi di dana omūxūn ge maxnesium-oksid panelgu, tsî ║gam-i tsî sement-i tsîna xu nî hâ. ╪Am!nâb ge suwu ׀urina xu kurusa blēgu hîa ║naetisase ra sîsenūhe ╪am!nâb !khûgu ׀kha habasan ׀kha nî hâ. Omūxūna !nao║nâs marisa suwusuwus asen ge hoa omūxūna ׀gui !nās ׀kha sī nî !nao║nâhe om!hūs tawa.
“Vela Building Solutions ge ge mî║gui, nē ׀asa om׀gauba ╪an╪ans di ׀khaeb ases Namibia║îna 42.7 haka║hôabe metergu kaisiba ūhâ omsa ra mābēsa ╪guro wekheb ╪Nū║nâiseb dib ai,” tib ge Van den Berg age ╪an╪an.
SMS ׀nûgus ge hoa Namibia¬║în !aroma nî ║khowa-amsa tsî danao-i ge ║¬î-i ra ╪hâpa !khaib tawa, Namibiab !nâ  sī nî ombahe.